‘ధృవ’, ‘రంగస్థలం’ సినిమాలతో మంచి హిట్లు అందుకున్నాడు మెగా పవర్స్టార్ రామ్ చరణ్. అయితే ఆ తర్వాత బోయపాటి శ్రీను దర్శకత్వంలో చరణ్ చేసిన ‘వినయ విధేయ రామ’డిజాస్టర్గా మిగిలిపోయింది. సినిమా ఘోరంగా ఫ్లాప్ అయినప్పటికీ.. చెర్రీ క్రేజ్ ఏమాత్రం తగ్గలేదు. ప్రస్తుతం , యంగ్టైగర్ ఎన్టీఆర్, దర్శకధీరుడు ఎస్ఎస్ రాజమౌళి కాంబినేషన్లో తెరకెక్కుతున్న ‘ఆర్ఆర్ఆర్’ సినిమాలో నటిస్తున్నాడు. ఈ సినిమాలో చరణ్ అల్లూరి సీతారామ రాజు పాత్రలో కనిపించబోతున్నాడు. చెర్రీకి జోడీగా బాలీవుడ్ నటి ఆలియా భట్ నటిస్తోంది. ఇప్పటికే ఈ సినిమా నుంచి విడుదలైన రామరాజు టీజర్, రీసెంట్గా రామరాజు గెటప్లో చరణ్ ఫస్ట్లుక్ ప్రేక్షకులను విశేషంగా ఆకట్టుకున్నాయి. మరోవైపు మెగాస్టార్ చిరంజీవి హీరోగా కొరటాల శివ దర్శకత్వంలో రూపొందుతున్న ‘’ షూటింగ్లో రామ్ చరణ్ బిజీగా ఉన్నాడు. ఈ సినిమాకు నిర్మాతగా వ్యవహరిస్తున్న ఆయన.. ఓ ప్రధాన పాత్రలోనూ నటిస్తున్నాడు. ఆ తర్వాత స్టార్ డైరక్టర్ శంకర్ దర్శకత్వంలో రామ్ చరణ్ సినిమాను ఇప్పటికే ప్రకటించారు. దీనికి దిల్ రాజు నిర్మాతగా వ్యవహరించనున్నాడు. అయితే ఈ భారీ ప్రాజెక్టుల తర్వాత చరణ్ ఏ సినిమా చేస్తాడా? అనే ఆసక్తి అభిమానుల్లో నెలకొంది. ఈ నేపథ్యంలో రామ్ చరణ్ సెక్ట్స్ సినిమాకు సంబంధించిన ఓ వార్త సోషల్మీడియలో చక్కర్లు కొట్టడం ప్రారంభించింది. ‘మళ్ళీ రావా’, ‘జెర్సీ’ వంటి ఫీల్ గుడ్ మూవీస్ని తెరకెక్కించిన గౌతమ్ తిన్ననూరి డెరెక్షన్లో చెర్రీ తన నెక్ట్స్ సినిమా చేయనున్నాడట. తాజా సమాచారం ప్రకారం.. గౌతమ్ చెప్పిన స్క్రిప్ట్ విన్న దానికి ఓకే కూడా చెప్పేసినట్లు తెలుస్తోంది. అయితే ఇప్పటికైతే ఈ వార్తని రూమర్ అని అభిమానులు భావిస్తున్నారు.
from Telugu Movie News | Movie News in Telugu | Movie Gossips in Telugu https://ift.tt/2PYi01r
v
No comments:
Post a Comment