‘అజ్ఞాతవాసి’ తర్వాత పాలిటిక్స్ కోసం సినిమాలకు దూరమైన పవర్స్టార్ .. వేణు శ్రీరామ్ దర్శకత్వంలో తెరకెక్కిన ‘’ సినిమాతో రీఎంట్రీ ఇచ్చారు. హిందీలో బ్లాక్బస్టర్ విజయం సాధించిన పింక్ సినిమా రీమేక్గా ఈ సినిమాను రూపొందించారు. శుక్రవారం విడుదలైన ఈ సినిమా తొలి షో పడిన వెంటనే సూపర్ హిట్ టాక్ను సొంతం చేసుకుంది. మూడు సంవత్సరాల తర్వాత పవన్ని స్క్రీన్పై చూడటంతో అభిమానుల సంతోషం ఆకాశాన్ని తాకింది. ఇప్పటికే వకీల్సాబ్ చిత్రంపై సర్వత్ర ప్రశంసల వర్షం కురుస్తోంది. తమ తల్లి అంజనా దేవితో కలిసి సినిమా చూసిన మెగాస్టార్ చిరంజీవి, మెగా బ్రదర్ నాగబాబు తమ్ముడు పవన్కళ్యాణ్ను అభినందిస్తూ ట్వీట్ చేశారు. తాజాగా చిరంజీవి తనయుడు, మెగా పవర్ స్టార్ తేజ్ ‘వకీల్సాబ్’పై తన స్పందనని తెలియజేశాడు. వకీల్సాబ్ సినిమాలో పవన్ పాత్ర తనను ఆలోచింపజేసిందని రామ్ చరణ్ అన్నాడు. ‘కొన్ని సినిమాల్లో పాత్రలను మనం ఎంజాయ్ చేస్తూ చూడటమే కాదు.. సినిమా ముగిసిన తర్వాత ఆలోచింపజేస్తాయి. కళ్యాణ్ బాబాయ్.. వకీల్సాబ్లో నీ పాత్ర అలాంటిదే. ప్రకాశ్ రాజ్ గారు, నివేదా థామస్, అంజలి, అనన్య అద్భుతంగా నటించారు. థమన్ బ్యాక్గ్రౌండ్ స్కోర్, పీ.ఎస్.వినోద్ గారి కెమెరా వర్క్ చాలా బాగున్నాయి. వకీల్సాబ్ని మాకు అందించిన వేణు శ్రీరామ్కి ప్రత్యేకంగా ధన్యవాదాలు. ఇదంతా జరిగేలా చేసిన దిల్ రాజు గారికి, శిరీష్ గారికి కృతజ్ఞతలు’’ అంటూ చరణ్ పోస్ట్ చేశాడు. అన్యాయంగా ఓ కేసులో చిక్కుకున్న ముగ్గురు అమ్మాయిలకు అండగా నిలిచే లాయర్ పాత్రలో పవన్కళ్యాణ్ నటించాడు. ఆ ముగ్గురు అమ్మాయిలుగా నివేదా థామస్, అంజలి, అనన్య నటించగా.. పవన్ సరసన హీరోయిన్గా శృతి హాసన్ నటించింది. ఇక రామ్ చరణ్ ప్రస్తుతం రాజమౌళి దర్శకత్వంలో ‘ఆర్ఆర్ఆర్’, కొరటాల శివ దర్శకత్వంలో ‘ఆచార్య’ సినిమాల్లో నటిస్తున్నాడు. ఈ రెండు ప్రాజెక్టుల తర్వాత అతను దిల్ రాజు నిర్మాణం, శంకర్ దర్శకత్వంలో మరో సినిమా చేయనున్నాడు.
from Telugu Movie News | Movie News in Telugu | Movie Gossips in Telugu https://ift.tt/323g7mY
v
No comments:
Post a Comment