సినిమాని పవన్ ‌కళ్యాణ్ వదిలినా.. ఆయన్ను సినిమా వదలదు.. హరీశ్ శంకర్ మాటలు కేకో కేక

బాలీవుడ్‌లో సూపర్ హిట్ సాధించిన ‘పింక్’ సినిమా రీమేక్‌గా పవర్‌స్టార్ పవన్‌కళ్యాణ్ ఇండస్ట్రీకి రీఎంట్రీ ఇస్తున్న చిత్రం ‘’. ఈ రోజు(ఏప్రిల్ 4న)న శిల్పకళా వేదికగా ఘనంగా జరిగింది. ఈ వేడుకకి గబ్బర్ సింగ్ చిత్రంతో పవన్‌కళ్యాణ్‌కి సూపర్ హిట్ అందించిన దర్శకుడు హరీశ్ శంకర్ ప్రత్యేక అతిథిగా హాజరయ్యాడు. ఈ సందర్భంగా హరీశ్ శంకర్ మాట్లాడుతూ.. ‘‘చాలా రోజుల తర్వాత వచ్చిన పండగ ఇది మనకి. పవన్‌కళ్యాణ్ మళ్లీ బ్యాక్‌ టు బ్యాక్ సినిమాలు స్టార్ చేసినందుకు నేను థ్యాంక్స్ చెబుతున్నాను. ఎందుకంటే.. లాక్‌డౌన్ తర్వాత కుదేలైన పరిశ్రమని మెరుగుపరిచేందుకు వంద కోట్ల టర్నోవర్ చేస్తూ.. ఎంతో మంది ఉపాధి కల్పించే దిశగా ఆయన సినిమాను చేస్తున్నందుకు ఆయనకు శిరస్సు వంచి నమస్కారం చేస్తున్నాను. అయితే నేను కేవలం ఆయన్ని మాత్రం పొగడటం లేదు. లాక్‌డౌన్ తర్వాత సినిమా చేస్తున్న ప్రతీ హీరోకి, ప్రతీ ఆర్టిస్టుకి, ప్రతీ టెక్నీషిన్‌కి నేను ధన్యవాదాలు చెబుతున్నాను. ఏ సినిమా అయినా, ఎవరి సినిమా అయినా అది సక్సెస్ అయితే ముందుగా సంతోషించే వ్యక్తి పవన్ కళ్యాణ్. ఆయన సినిమాల్ని వదిలేద్దామనుకున్నా.. సినిమా ఆయన్ని వదలదు. ఈ సందర్భంగా ఓ విషయాన్ని షేర్ చేసుకోవాలి. తొలి ప్రేమ 100వ రోజు అప్పుడు రెండో థియేటర్లలో 100 డేస్ ఫెస్టివల్ చేశారు. ఆ టైంలో ఓ కాలేజీ కుర్రాడు పవన్‌కళ్యాణ్‌తో సినిమా చేయలని అనుకున్నాడు. మరో కుర్రాడు ఎప్పటికైనా ప్రొడ్యూసర్‌ అయితే ఈ హీరోతో సినిమా చేయాలని అనుకున్నాడు. మొదటి కుర్రాడు కొన్ని సంవత్సరాల తర్వాత గబ్బర్‌సింగ్ తీశాడు. మరో కుర్రాడు ఇప్పుడు వకీల్‌సాబ్ తీస్తున్నాడు. దిల్ ఈ సినిమాని ఓ పెద్ద ప్రొడ్యూసర్‌గా కాకుండా పవన్‌కళ్యాణ్ అభిమానిగా తెరకెక్కించాడు. వకీల్ సాబ్ డబ్బింగ్ పూర్తయ్యాక హీరోని కలిశాను. సినిమా మొత్తం అయిపోయాక.. ఆయన మొహంలో ఓ తృప్తి కనిపించింది. ఆ తృప్తి ఏంటో మీరు ఏప్రిల్ 9న థియేటర్లలో చూస్తారు. ఆ తర్వాత నాకు అర్థమైంది.. ఇది మాములు వకీల్ సాబ్ కాదు.. ఏ కీలుకాకీలు తీసే వకీలు అని. మీరు పవన్‌కళ్యాణ్ సినిమా కోసం ఎంత ఆకలిగా ఉన్నారో.. నేను ఓ ఫ్యాన్‌గా ఎదురుచూస్తున్నాను. మన ఆకలి తీరే రోజు దగర్లోనే ఉంది’’ అని అన్నారు.

from Telugu Movie News | Movie News in Telugu | Movie Gossips in Telugu https://ift.tt/3sOm56Q
v