నవీన్ పొలిశెట్టి, ప్రియదర్శి, రాహుల్ రామకృష్ణ ప్రధాన పాత్రల్లో.. యువ దర్శకుడు కేవీ అనుదీప్ డైరెక్షన్లో తెరకెక్కిన కామెడీ ఎంటర్టైనర్ ‘జాతిరత్నాలు’. గత ఏడాది విడుదల కావాల్సిన ఈ చిత్రం.. కరోనా వ్యాప్తి కారణంగా వాయిదా పడి ఈ ఏడాది మార్చి 11న థియేటర్లలో విడుదలైంది. విడుదలకు ముందే ఈ సినిమాకు విపరీతమైన హైప్ వచ్చింది. మిగితా సినిమాల్లా కాకుండా విభిన్నమైన పద్దతుల్లో సినిమాని ప్రమోట్ చేయడం.. ముఖ్యంగా డైరెక్టర్ అనుదీప్ కామెడీ టైమింగ్ ఈ సినిమాకు చాలా ప్టస్ పాయింట్ అయ్యాయి. జోగిపేట్ అనే ప్రాంతం నుంచి ఉద్యోగం సంపాదించాలనే ఉద్దేశ్యంతో హైదరాబాద్ వచ్చిన యువకులు అనూహ్యంగా ఓ మర్డర్ కేసులో చిక్కుకోవడం.. ఆ తర్వాత వారి జీవితాల్లో వచ్చిన మలుపుుల ఏంటి అనేది ప్రధాన అంశంగా ఈ సినిమా సాగుతుంది. ప్రతి సీను, ప్రతి డైలాగ్లో కామెడీని నింపి.. థియేటర్కి వచ్చిన ప్రతి ఒక్క ప్రేక్షకుడు కడుపుబ్బా నవ్వు కునేలా చేశాడు దర్శకుడు అనుదీప్. ఈ చిత్రం నిర్మాతలకు కాసుల వర్షం కురిపించింది. పెట్టిన బడ్జెట్ కంటే దాదాపు 20 రేట్ల వసూళ్లు సాధించిందీ సినిమా. ఇక వెండితెరపై సందడి చేసిన ఈ సినిమా త్వరలో బుల్లితెరపై అల్లరి చేసేందుకు రెడీ అవుతోంది. ఏప్రిల్ 11వ తేదీన ఈ సినిమాని ప్రముఖ ఓటీటీ ఫ్లాట్ఫామ్ అమెజాన్ ప్రైమ్లో విడుదల చేస్తున్నట్లు ప్రకటించారు. మరి వెండితెరపై నవ్వులతో తెగ సందడి చేసిన ఈ సినిమా బుల్లితెరపై కూడా అదే స్థాయిలో నవ్వులు పండించి.. ఎలాంటి రికార్డులు సాధిస్తుందని అంతా ఎదురుచూస్తున్నారు. స్వప్న సినిమా బ్యానర్పై తెరకెక్కిన ఈ సినిమాకి మహానటి చిత్ర దర్శకుడు నాగ్ అశ్విన్ నిర్మాతగా వ్యవహరించాడు. ఫరియా అబ్దుల్లా ఈ సినిమాలో హీరోయిన్గా నటించగా.. నరేశ్, మురళీ శర్మ, బ్రహ్మానందం, బ్రహ్మాజీ, వెన్నెల కిషోర్, శుభలేఖ సుధాకర్ తనికెళ్ల భరణి కీలక పాత్రల్లో నటించారు.
from Telugu Movie News | Movie News in Telugu | Movie Gossips in Telugu https://ift.tt/3d12fA4
v
No comments:
Post a Comment