పవన్ ముందు నేను ఆఫ్ట్రాల్.. కానీ నా చైర్ దగ్గరకు వచ్చి మరీ అలా అనేసరికి: వకీల్ సాబ్ జడ్జీ మీర్

వకీల్ సాబ్ చిత్రంలో , ప్రకాష్ రాజ్, నివేథా, అంజలి, అనన్య వీళ్లే కాకుండా చిన్న చిన్న పాత్రల్లో కనిపించిన క్యారెక్టర్స్ కూడా చాలా రియలిస్టిక్‌గా అనిపిస్తాయి. కోర్టు బోనులో నిలబెట్టి వకీల్ సాబ్ చెడుగుడు ఆడుకున్నసూపర్ ఉమెన్ సరళా దేవి కానీ.. వకీల్ సాబ్‌ వెంటే ఉండే పెద్దాయన సమ్మెట గాంధీ కానీ.. జడ్జీగా నటించిన మీర్ కానీ ఆయా పాత్రలకు పర్ఫెక్ట్‌గా సూట్ కావడమే కాదు.. ఆ పాత్రల్లో ఒదిగిపోయి నటించారు. ముఖ్యంగా జడ్జీగా నటించిన మీర్.. చాలా కాలంగా ఇండస్ట్రీలో ఉన్నప్పటికీ ఆయనకు సరైన గుర్తింపు లభించలేదు. గుర్తుపట్టేంతగా పెద్ద పాత్రలు కూడా చేయలేదు. అయితే వకీల్ సాబ్‌లో జడ్జీగా నటించి సెకండాఫ్ మొత్తంలో ఎక్కువ స్క్రీన్ స్పేస్ సంపాదించి ఆడియన్స్‌కి బాగా నోటెడ్ అయ్యారు. కాగా తనకు మంచి గుర్తింపు లభించడంతో అభిమానులతో తన ఆనందాన్ని పంచున్నారు నటుడు మీర్. ఈ సందర్భంగా తనకు ఆ సినిమాలో అవకాశం ఎలా వచ్చింది?? పవన్ కళ్యాణ్‌తో ఉన్న అనుబంధం ఏంటో వివరించారు. ‘ఈ సినిమాలో నాకు ఇంత మంచి పాత్ర రావడానికి కారణం దర్శకుడు వేణు శ్రీరామ్. నన్ను టీఎన్ఆర్ ఇంటర్వ్యూలో చూసి ఎంసీఏ సినిమా అప్పుడు జగ్గీవాసుదేవ్ పాత్ర కోసం పిలిచారు. అప్పుడు నాకు గెడ్డం తక్కువగా ఉండటంతో నేను సూట్ కాను కదా సార్.. అంటే.. ఆ వేషం మీరే వేయాలి.. కావాలంటే సినిమా లాస్ట్‌లో ఆ సీన్ తీస్తా అని నాకు రెండు నెలలు టైం ఇచ్చారు. అన్నట్టుగానే రెండు నెలల తరువాత షూట్ చేశారు. నేనంటే ఆయనకు చాలా అభిమానం. అయితే వకీల్ సాబ్ చిత్రానికి సంబంధించి.. పింక్ సినిమా రీమేక్ చేస్తున్నాం.. జడ్జీ పాత్ర వేయాలని నాకు కబురు పంపారు. మెయిన్ జడ్జీ మీరే అని నా లుక్ ఫొటోలు పవర్ స్టార్ గారికి పంపించారు. ఆయన కూడా నన్ను చూసి ఓకే చేశారు. పవన్ కళ్యాణ్ గారి గురించి చాలా విన్నాను.. ఆయన వ్యక్తిత్వం ఏంటో తొలిసారి చూశాను. నా జీవితంలో అది చాలా గ్రేట్ ఎక్స్ పీరియన్స్. ఆయన సెట్స్‌లోకి వచ్చారు.. చాలామంది జనం ఉన్నారు.. అంతమంది మధ్యన ఆయన్ని డిస్ట్రబ్ చేయడం ఇష్టం లేక.. పర్సనల్‌గా ఆయనతో నేను ఏమీ మాట్లాడలేదు. షూటింగ్ మొదలైంది.. రెండు మూడు షాట్‌లు తీసేశాడు.. నేను జడ్జీ కుర్చీలో కుర్చొని ఉన్నాను. షాట్ గ్యాప్‌లో పవన్ కళ్యాణ్ గారు వెళ్తూ.. వెళ్తూ.. సడెన్‌గా టర్న్ అయ్యి నా చైర్ దగ్గరకు వచ్చారు. చేతులు జోడించి నమస్కారం మీర్ గారూ.. మీ గురించి చాలా ఉన్నాను.. మీతో పనిచేయడం చాలా హ్యాపీగా ఉందని అన్నారు. ఒక మామూలు వ్యక్తికి ఇలాంటి సోల్ ఉండదు.. అతను గ్రేట్ అనడానికి ఇదో ఉదాహరణ. అంతపెద్ద ఆర్టిస్ట్.. అంత ఫ్యాన్ ఫాలోయింగ్ స్టార్ డమ్ ఉన్న ఆయన ముందు నేను ఆఫ్ట్రాల్.. కానీ ఆయన నా దగ్గరకు వచ్చి మాట్లాడిన తరువాత సెట్ వాళ్లముందు నాకు గౌరవం పెరిగింది. నన్ను చూసి ఎవరో జడ్జీ క్యారెక్టర్ అనుకున్నారే తప్ప.. నన్ను నన్నుగా అక్కడున్న వాళ్లు గుర్తించలేదు. కానీ పవన్ కళ్యాణ్ గారు వచ్చి మాట్లాడిన తరువాత.. ఈయనెవరో పెద్ద వ్యక్తిలా ఉన్నారే అని అందరూ షాక్ అయ్యారు. నిజంగా పవన్ కళ్యాణ్ గారికి నన్ను పలకరించాల్సిన అవసరం లేదు కానీ.. అది ఆయన గొప్పతనం. అందరికీ అది సాధ్యం కాదు’ అంటూ పవన్ కళ్యాణ్ వ్యక్తిత్వానికి సంబంధించి రియల్ ఇన్స్‌డెంట్‌ను షేర్ చేసుకున్నారు నటుడు మీర్.

from Telugu Movie News | Movie News in Telugu | Movie Gossips in Telugu https://ift.tt/3eeqn1o
v