రిలీజ్‌ టెన్షన్‌లో నాగార్జున.. తన చేతి వంటతో కూల్ చేసిన చిరు.. క్లిక్ మనిపించిన సురేఖ

ప్రమోషన్స్‌ని జోరుగా నిర్వహించారు కింగ్ నాగార్జున. ప్రయోగాత్మక పాత్రల్లో టాలీవుడ్ కింగ్ అనిపించిన ఈసారి ఏసీపీ విజయ్ వర్మగా కనిపించబోతున్నారు వైల్డ్ డాగ్ చిత్రంలో. దేశంలో టెర్రరిస్ట్ అటాక్.. బాంబు పేలుడు నేపథ్యంలో య‌థార్థ ఘ‌ట‌న‌ల ఆధారంగా అహిషోర్‌ సాల్మన్‌ ఈ చిత్రాన్ని యాక్షన్ సీక్వెన్స్‌గా రూపొందించారు. మ్యాట్నీ ఎంటర్‌టైన్మెంట్ పతాకంపై నిరంజన్‌రెడ్డి నిర్మించారు. అహిషోర్‌ సాల్మన్‌ దర్శకత్వం వహిస్తున్న ఈ చిత్రం ఎన్‌ఐఎ బృందం సీక్రెట్ ఆపరేషన్‌లో భాగంగా ఉగ్రవాదులను ఏరివేసే నేపథ్యంలో సాగుతుంది. నాగార్జున, సయామీ ఖేర్, దియా మీర్జా, అలీ రెజా తదితరులు నటించిన యాక్షన్ మూవీ రేపు (ఏప్రిల్ 2) విడుదల కానుంది. కాగా ఈ మూవీ ప్రమోషన్స్‌లో మెగాస్టార్ సైతం వాడేశారు కింగ్ నాగార్జున. నాగార్జున, చిరంజీవి మంచి క్లోజ్ ఫ్రెండ్స్.. ఒకరి సినిమాలను ఒకరు ప్రమోట్ చేసుకోవడమే కాకుండా.. గతంలో బిగ్ బాస్ లాంటి షోలలో కూడా కలిసి చేశారు. తాజాగా వైల్డ్ డాగ్ ప్రమోషన్స్‌లో భాగం అయ్యారు చిరంజీవి. ఇందుకోసం తన చేతి వంటను రుచి చూపించి మరీ వైల్డ్ డాగ్ ప్రమోషన్స్‌ నిర్వహించారు. ఈ విషయాన్ని ట్విట్టర్‌లో షేర్ చేసుకున్నారు నాగార్జున. రేపు వైల్డ్ డాగ్ రిలీజ్ కానుండడంతో కొంచెం ఒత్తిడిలో ఉన్నానని, అయితే ఆ ఒత్తిడిని మాయం చేసేందుకు మెగాస్టార్ స్వయంగా గరిటె పట్టుకుని వంట చేసి మరీ రుచికరమైన విందు భోజనం వడ్డించారని నాగ్ వివరించారు. అయితే చిరంజీవి స్వయంగా వంట చేస్తుండగా.. ఫొటో తీసింది ఆయన అర్ధాంగి సురేఖ అని తెలియజేస్తూ ఆమెకు ధన్యవాదాలు తెలిపి ఆ ఫొటోని షేర్ చేశాడు నాగార్జున. అయితే ఏ వంటకమో చెప్పలేదు కానీ.. ఫొటోలో మాత్రం మెగాస్టార్ చేపలు వండినట్టుగానే కనిపిస్తున్నాయి.

from Telugu Movie News | Movie News in Telugu | Movie Gossips in Telugu https://ift.tt/2ObnXHI
v