ప్రస్తుతం దేశంలో భయంకరమైన పరిస్థితి ఏర్పడింది. కరోనా భయంతో జనాలు అల్లాడిపోతోన్నారు. ఓ వైపు కరోనా దాడి.. మరో వైపు ఆక్సిజన్ కొరత.. ఇంకోవైపు కరోనా మరణాలు, ఆస్పత్రిలో నిర్లక్ష్యం ఇలా అనేక రకాలుగా మనషుల్లో ఆందోళనలు, బాధలు ఎక్కువ అవుతున్నాయి. ఎక్కువగా భయపడుతూ జీవితాన్ని గడిపేస్తున్నారు. వీటి గురించి తన స్టైల్లో ఓ కవిత్వం చెప్పారు. కష్టాలు వస్తుంటాయ్ పోతుంటాయ్ అని చెబుతూ అందరిలోనూ ధైర్యాన్ని నింపే ప్రయత్నం చేశారు. రేణూ దేశాయ్ ఎక్కువగా సోషల్ మీడియాలో యాక్టివ్గా ఉంటారు. సమాజంలోని సమస్యలపై తనదైన శైలిలో స్పందిస్తుంటారు. అమ్మాయిలపై జరిగే అత్యాచారాలపై రియాక్ట్ అవుతుంటారు. ప్రకృతి, మూగ జీవాలు అంటూ వాటి గురించి కూడా పోస్ట్లు పెడుతుంటారు. రచయిత, కవి, ఆర్టిస్ట్, దర్శకురాలు,నటిగా ఇలా రేణూ దేశాయ్ పలు కోణాల్లో సత్తా చాటుతున్నారు. తాజాగా రేణూ దేశాయ్ ప్రస్తుతం నెలకొన్న పరిస్థితులపై తనదైన శైలిలో స్పందించారు. బాధలు, ద్వేషం, అసహ్యం వంటి వాటిని లెక్కలేనంతగా మోసి మోసి గాడిదల్లా తయారవుతున్నాం.. మనకు ఈ జీవితం, ఈ దేహం ఉన్నది బాధ పడటానికి మాత్రమే కాదు.. బాధల్లో కూడా చిన్న చిన్న సంతోషాలు వెతుక్కుని ఆనందంగా ఉండాలి. మనమంతా ఇప్పుడు చావు భయాల్లో కొట్టుమిట్టాడుతున్నాం. అయితే సంతోషంగా ఉండటానికి ఏం చేయాలో అదే చేయండి. స్టాండప్ కామెడీ వీడియోలు చూడటమో, క్యూట్ డాగ్ వీడియోలు చూడటమో ఏదో ఒకటి చేయండి. ఈ కష్టం కూడా వెళ్లిపోవాల్సిందే. అదే కాలానికి ఉన్న గొప్పదనం. అదే ముందుకు వెళ్తూనే ఉంటుంది. అందరూ జాగ్రత్తగా ఉండండి.. అని రేణూ దేశాయ్ చెప్పుకొచ్చారు. ప్రస్తుతం రేణూ దేశాయ్ బుల్లితెరపై సందడి చేస్తున్నారు. డ్రామా జూనియర్స్ అనే షోకు న్యాయ నిర్ణేతగా వ్యవహరిస్తున్నారు. ఇక ఆద్య అనే వెబ్ సిరీస్తోనూ బిజీగా ఉన్నారు. కానీ ఇప్పుడున్న పరిస్థితుల నేపథ్యంలో ఆద్య షూటింగ్ను వాయిదా వేసినట్టు తెలుస్తోంది. ఇక రైతులపై ఓ సినిమా తీసేందుకు రేణూ దేశాయ్ ప్రయత్నాలు చేస్తూనే ఉన్నారు.
from Telugu Movie News | Movie News in Telugu | Movie Gossips in Telugu https://ift.tt/3ejLizW
v
No comments:
Post a Comment