అందం, అభినయం, నాట్యం అన్ని కలగలిపిన అందాల నటి జయప్రద. సాంప్రదాయ పాత్రలైనా.. గ్లామరస్ రోల్ అయినా.. అద్భుతంగా నటించడంలో సిద్ధహస్తురాలు. ఒకప్పుడు స్టార్ హీరోలు అందరితో జతకట్టిన ఆమె, ఆ తర్వాత రాజకీయాల్లోనూ తన సత్తా చాటుకున్నారు. రాజకీయాల నేపథ్యంలో సినిమాలకు చాలాకాలం దూరంగా ఉన్నారు జయప్రద. అయితే ఇప్పుడు ఆమె తన రెండో ఇన్నింగ్స్ ప్రారంభించేందుకు సిద్ధమవుతున్నారు. ‘లవ్@65’ అనే పేరుతో తెరకెక్కుతున్న సినిమాలో ఆవిడ నటిస్తున్నారు. ఇందులో ఆమె సరసన నటకిరీటి హీరోగా నటిస్తున్నారు. 60 సంవత్సరాలు పైబడిన ఇద్దరు వ్యక్తులు ప్రేమలో పడితే ఎలా ఉంటుంది అనే అంశం ప్రధానంగా ఈ సినిమా తెరకెక్కుతుంది. అయితే జయప్రద పుట్టినరోజు సందర్భంగా ఈ సినిమా ఫస్ట్లుక్ పోస్టర్ని చిత్ర యూనిట్ విడుదల చేసింది. ‘ఆమె పయనం ఓ సువర్ణ లిఖిత చరితం.. మళ్లీ మన కోసం రాబోతుంది ఆ నటనా సౌరభం’ అంటూ జయప్రద సూపర్ హిట్ సినిమాల్లోని ప్రధాన సన్నివేశాలతో కూడిన వీడియోని విడుదల చేశారు. విఎన్ ఆదిత్య దర్శకత్వంలో తెరకెక్కుతున్న ఈ చిత్రాన్ని పీపుల్ మీడియా ఫ్యాక్టరీ బ్యానర్పై టీజీ విశ్వప్రసాద్ నిర్మిస్తున్నారు. విభిన్నమైన కథాంశంతో తెరకెక్కుతున్న ఈ సినిమా త్వరలో ప్రేక్షకుల ముందుకు రానుంది.
from Telugu Movie News | Movie News in Telugu | Movie Gossips in Telugu https://ift.tt/3miRjk1
v
No comments:
Post a Comment