ఈశ్వరా.. పవనేశ్వరా.. పవరేశ్వరా.. బల్లగుద్ది చెప్తున్నా.. నేను మీ భక్తుడ్ని సామీ అంటూ పవన్ కళ్యాణ్ని ఉద్దేశించి ‘వకీల్ సాబ్’ ప్రీ రిలీజ్లో చేసిన ప్రసంగం పవర్ స్టార్ అభిమానుల రోమాలు నిక్కబొడుచుకునేట్టుగా చేశాయి. గొప్ప గొప్ప స్క్రిప్ట్ రైటర్లు కలాలు సైతం వణికేలా బండ్ల గణేష్ తన స్పీచ్తో హాట్ టాపిక్ అవుతున్నాడు. పవన్ కళ్యాణ్ని ఉద్దేశించి బండ్ల గణేష్ మాట్లాడిన ఒక్కోమాటా తూటాలా పేలింది. మొత్తంగా ఆదివారం నాటి ప్రీ రిలీజ్ ఈవెంట్లో స్పీచ్ కంటే కూడా బండ్ల గణేష్ స్పీచ్ హైలైట్ అయ్యింది అంటే మనోడి పంచ్లు ఏ రేంజ్లో పేలాయో అర్ధం చేసుకోవచ్చు. ‘నిజంగా పవన్ కళ్యాణ్ ఒక వ్యసనం. ఒకసారి అలవాటు చేసుకుంటే.. దీనమ్మా చనిపోయి బూడిద అయ్యే వరకూ మనం వదల్లేం. వెంకన్నకు అన్నమయ్య, శివుడికి భక్త కన్నప్ప, రాముడికి హనుమంతుడిలా నేను పవన్ కళ్యాణ్కి భక్తుడినని సగర్వంగా చెప్పుకుంటున్నాను’ అంటూ బండ్ల గణేష్ అనర్గళంగా మాట్లాడుతూ పవన్ అభిమానుల్లో ఉత్సాహాన్ని నింపారు. మొత్తంగా నిన్నటి ప్రీ రిలీజ్లో అందరి లెక్క ఒకటైతే.. బండ్ల గణేష్ మాత్రం ‘వకీల్ సాబ్’ ప్రీ రిలీజ్ని హైజాక్ చేసేశాడు. అందరూ తన గురించే మాట్లాడుకునేట్టు చేశాడు.. అతని స్పీచ్ని మళ్లీ మళ్లీ వినేట్టుగా చేశాడు. దీంతో యూట్యూబ్లో బండ్ల గణేష్ స్పీచ్ వైరల్ అవుతోంది. అంతేకాదు.. టాప్ ట్రెండింగ్ నెం.1 లిస్ట్లో బండ్ల గణేష్ నిలిచాడు. సుమారు మూడేళ్ల తరువాత పవన్ కళ్యాణ్ ప్రీ రిలీజ్ ఈవెంట్లో ఏం మాట్లాడతారా అని కోట్లాదిమంది ఎదురుచూస్తే.. పవన్ కళ్యాణ్ స్పీచ్ కంటే కూడా ఎక్కువ మంది బండ్ల గణేష్ స్పీచ్ వినడానికే ఆసక్తి చూపిస్తున్నారు. ఇక బండ్ల గణేష్ ట్విట్టర్లో అయితే కామెంట్ల మోత మామూలుగా లేదు. పవన్ కళ్యాణ్ స్పీచ్ గురించి మాట్లాడకుండా.. అందరూ బండ్ల గణేష్ స్పీచ్పైనేకామెంట్లు పెడుతున్నారు. చాలన్నా.. మాకు కడుపు నిండిపోయింది.. మా దేవుడికి నిజమైన భక్తుడువి నీనే బండ్లన్నా అంటూ పవన్ భక్తులు బండ్ల గణేష్ని హీరోని చేసేస్తున్నారు. మరికొంతమంది అయితే ఏకంగా బండ్ల గణేష్ స్పీచ్ని స్టోరీలుగా పెట్టుకుని అతని ఫొటోలను స్క్రీన్ సేవర్స్గా పెట్టుకుని అభిమానం చూపిస్తున్నారు.
from Telugu Movie News | Movie News in Telugu | Movie Gossips in Telugu https://ift.tt/3wqSK4F
v
No comments:
Post a Comment