పవర్ స్టార్ పవన్ కళ్యాణ్ హీరోగా వస్తోన్న చిత్రం ‘వకీల్ సాబ్’. బాలీవుడ్ నిర్మాత బోనీ కపూర్ సమర్పణలో శ్రీ వెంకటేశ్వర క్రియేషన్స్, బేవ్యూ ప్రాజెక్ట్స్ పతాకాలపై దిల్ రాజు, శిరీష్ ఈ చిత్రాన్ని నిర్మిస్తున్నారు. శ్రీరామ్ వేణు దర్శకత్వం వహించారు. తమన్ సంగీతం సమకూరుస్తున్నారు. సుధీర్ఘ విరామం తరవాత పవన్ కళ్యాణ్ నటించిన సినిమా కావడంతో ‘వకీల్ సాబ్’పై భారీ అంచనాలున్నాయి. ఇప్పటికే విడుదలైన ‘మగువా మగువా’ సాంగ్, టీజర్ సినిమాపై అంచనాలను రెట్టింపు చేశాయి. ప్రస్తుతం పోస్ట్ ప్రొడక్షన్ పనుల్లో ఉన్న ‘వకీల్ సాబ్’ సినిమా నుంచి ఇప్పుడు మరో పాట విడుదలైంది. ‘సత్యమేవ జయతే’ అంటూ సాగే ఈ పాటను రామజోగయ్య శాస్త్రి రచించగా దిగ్గజ గాయకుడు శంకర్ మహదేవన్ అద్భుతంగా ఆలపించారు. పృథ్వీ చంద్ర ర్యాప్ పాడారు. ఈ పాట పవర్ స్టార్కు పర్ఫెక్ట్ సాంగ్ అనిపిస్తోంది. మళ్లీ చాలా రోజుల తర్వాత శంకర్ మహదేవన్ నుంచి ఒక మంచి పాటను శ్రోతలు వింటున్నారు. ఈ పాట ఇప్పుడు సోషల్ మీడియాలో సెన్సేషన్గా మారింది. #VakeelSaab హ్యాష్టాగ్ ట్విట్టర్లో టాప్ ట్రెండింగ్లో ఉంది. కాగా, తమ అభిమాన కథానాయకుడిని వెండితెరపై ఎప్పుడెప్పుడు చూసుకుంటామా అని పవర్ స్టార్ ఫ్యాన్స్ ఆసక్తిగా ఎదురుచూస్తున్నారు. ఈ సమ్మర్లో బాక్సాఫీస్ హీట్ను మరింత పెంచడానికి ‘వకీల్సాబ్’ను ఏప్రిల్ 9న ప్రపంచ వ్యాప్తంగా భారీ ఎత్తున విడుదల చేస్తున్నారు. బాలీవుడ్ హిట్ మూవీ ‘పింక్’కు రీమేక్గా వస్తోన్న ‘వకీల్ సాబ్’ను తెలుగు ప్రాంతీయతకు తగ్గట్టుగా కమర్షియల్ అంశాలను మేళవించారు దర్శకుడు శ్రీరామ్ వేణు. మాస్ ఎలిమెంట్స్ను మిక్స్ చేసి ఫ్యాన్స్ పండగ చేసుకునేలా సిద్ధం చేస్తున్నారు. ఈ చిత్రంలో శ్రుతి హాసన్, నివేదా థామస్, అంజలి, అనన్య నాగళ్ల ఇతర ముఖ్యపాత్రలు పోషించారు. పి.ఎస్.వినోద్ సినిమాటోగ్రఫీ అందించిన ఈ చిత్రానికి ప్రవీణ్ పూడి ఎడిటింగ్ బాధ్యతలు నిర్వర్తిస్తున్నారు. తిరు డైలాగ్స్ రాశారు. రవివర్మ యాక్షన్ డైరెక్టర్.
from Telugu Movie News | Movie News in Telugu | Movie Gossips in Telugu https://ift.tt/3reziVE
v
No comments:
Post a Comment