విరాట పర్వం టీజర్: దొంగ లం**కొడకా.. ఎరుపురంగు పులుముకున్న సాయి పల్లవి నట విశ్వరూపం

విరాటపర్వం టీజర్‌తో విశ్వరూపం చూపించారు. రానా దగ్గుబాటి, కాంబినేషన్ లో తెరకెక్కిన ‘విరాట పర్వం’ చిత్ర టీజర్‌ను కొద్దిసేపటి క్రితం మెగాస్టార్ చిరంజీవి రిలీజ్ చేశారు. యదార్ధ సంఘటనల ఆధారంగా వేణు ఊడుగుల దర్శకత్వంలో తెరకెక్కిన ఈ చిత్ర టీజర్‌పై ప్రశంసల జల్లు కురుస్తోంది. రొటీన్ చిత్రాలకు భిన్నంగా రానా, సాయి పల్లవిల నట విశ్వరూపాన్ని చూపించారు దర్శకుడు. ‘ఆధిపత్య జాడలనే చేరిపేయగా ఎన్నినాళ్ళు... తారతమ్య గోడలనే పెకిలించగ ఎన్నినాళ్ళు.. దున్నేటోడి వెన్నువిరిచి భూస్వాములు ధనికులైరి..’ అంటూ భూస్వాములపై తిరగబడ్డ నక్స్ లైట్‌గా రానా తన ప్రతాపం చూపించాడు. అతని డైలాగ్ రోమానలు నిక్కబొడుచుకునేట్టుగా ఉంది. ఇక సాయి పల్లవి అయితే ఎరుపురంగు పులుముకున్న సీతా కోకచిలుకగా మెస్మరైజ్ చేసింది. ‘ప్రియమైన అరణ్య.. నీకు నేను అభిమాని అయిపోయా.. నీ కవిత్వం చదువుతుంటే నాలో ఏదో భావోద్వేగం రగులుతుంది. మీరాభాయి క్రిష్ణుడి కోసం కన్నవారిని కట్టుకున్న వారిని ఎలా వదిలేసి వెళ్లిపోయిందో.. అలా నీ కోసం వస్తున్నాను..’ అంటూ ఎర్రా జెండా సాక్షిగా నక్షలైట్ అరణ్య ప్రేమలో పడ్డ ప్రియురాల్ని చాలా పవర్ ఫుల్‌గా చూపించాడు దర్శకుడు. ‘చరిత్రలో దాగిన కథలకు తెరలేపిన ప్రేమ ఆమెది’ అంటూ ఆమె పాత్ర స్వభావాన్ని తెలియజేశాడు దర్శకుడు. ఆమె ప్రేమ అలౌకికం.. ఆత్మికం.. అపూరూపం.. అనేట్టుగా తన నటనతో ఫిదా చేసింది సాయిపల్లవి. చివర్లో దొంగ లం***కొడకా అని సాయి పల్లవి దళారులపై తిరగబడే సీన్ హైలైట్ అయ్యింది. బొబ్బిలి సరేష్ బ్యాగ్రౌండ్ స్కోర్ అదిరిపోయింది. దని సలో, దివాకర్ సినిమాటోగ్రఫీ రియలిస్టిక్ లుక్ కనిపించేట్టుగా ఉంది. ఈ సినిమాలో ప్రియమణి ‘భారతక్క’గా నక్స్ లైట్ పాత్రలో కనిపించగా.. నందితా దాస్, నవీన్ చంద్ర, నివేదా పేతురాజ్ తదితరులు కీలక పాత్రల్లో నటించారు. భారీ అంచనాలతో ఏప్రిల్ 30న ప్రపంచవ్యాప్తంగా విడుదల కానుంది విరాట పర్వం.

from Telugu Movie News | Movie News in Telugu | Movie Gossips in Telugu https://ift.tt/3cPsGaB
v