ప్రస్తుతం తమన్నా జెట్ స్పీడ్లో దూసుకుపోతోన్నారు. బాలీవుడ్, టాలీవుడ్, కోలీవుడ్ అని తేడా లేకుండా అన్ని ఇండస్ట్రీల్లో సినిమాలు చేస్తున్నారు. ప్రస్తుతం తమన్నా చేతిలో బోలెడన్ని ప్రాజెక్ట్లున్నాయి. తెలుగులోనే దాదాపు నాలుగైదు సినిమాలున్నాయి. నితిన్ హీరోగా రాబోతోన్న హిందీ మూవీ ‘అంధాదున్’ రీమేక్, కన్నడ మూవీ ‘లవ్ మాక్ టెయిల్’ రీమేక్ అయిన ‘గుర్తుందా శీతాకాలం’, ‘ఎఫ్ 3’, ‘సీటీమార్’.. ఇలా పలు చిత్రాలతో ఫుల్ బిజీగా ఉన్నారు. తమన్నా ముందుగా ‘సీటీమార్’ చిత్రంతో తెలుగు ప్రేక్షకులను పలకరించేందుకు రెడీ అవుతున్నారు. ఈ మధ్యే వదిలిన జ్వాలా రెడ్డి పాటతో తన అందచందాలను ప్రదర్శించారు. తమన్నా నడుము, నాభి అందాలకు అందరూ ఫిదా అయ్యారు. మాస్ సాంగ్కు గోపీచంద్, తమన్నా వేసిన స్టెప్పులు అందరినీ ఆకట్టుకున్నాయి. అయితే, సినిమా విడుదలకు సమయం దగ్గర పడుతుండటంతో ప్రమోషన్స్ జోరు పెంచారు మేకర్స్. ఈ క్రమంలోతాజాగా ‘సీటీమార్’ నుంచి మరో అప్డేట్ వచ్చింది. తమన్నా తన పాత్రకు స్వయంగా డబ్బింగ్ చెప్పారు. అందులోనూ తెలంగాణ యాసలో తమన్నా డబ్బింగ్ చెప్పడం విశేషం. ఈ విషయాన్ని తమన్నా ఇన్స్టాగ్రామ్ ద్వారా వెల్లడించారు. తెలంగాణ యాసలో డబ్బింగ్ చెప్పడం చాలా సరదాగా అనిపించిందని తమన్నా పేర్కొన్నారు. దర్శకుడు సంపత్ నంది దగ్గరుండి ఆమెతో తెలంగాణ యాసలో డబ్బింగ్ చెప్పించారు. కబడ్డీ నేపథ్యంలో సాగే ఈ సినిమాలో కోచ్ పాత్రలో తమన్నా కనిపించనున్నారు. తెలంగాణ జట్టుకు కోచ్గా తమన్నా, ఆంధ్ర జట్టుకు కోచ్గా గోపీచంద్ నటించారు. ఈ మూవీని శ్రీనివాస సిల్వర్ స్క్రీన్ బ్యానర్పై శ్రీనివాస్ చిత్తూరి నిర్మిస్తున్నారు. ఈ చిత్రం ఏప్రిల్ 2న విడుదలకు సిద్ధంగా ఉంది.
from Telugu Movie News | Movie News in Telugu | Movie Gossips in Telugu https://ift.tt/38Sfct9
v
No comments:
Post a Comment