నా కొడుకు సినిమాల్లోకి వస్తున్నాడు, చిరంజీవి నా రూమ్‌మేట్ కానీ..: కమెడియన్ సుధాకర్ లేటెస్ట్ ఇంటర్వ్యూ

ఒకప్పుడు టాలీవుడ్‌తో పాటు తమిళ ఇండస్ట్రీని ఏలిన నటుడు . ఇటీవల బ్రెయిన్ స్టోక్ రావడంతో సుమారు 40 రోజులు కోమాలోనే ఉండి.. ఇప్పుడిప్పుడే కోలుకుంటున్నారు. అయితే ఆయన ఆర్థికంగా దెబ్బతిన్నారని.. చాలా ఇబ్బందుల్లో ఉన్నారని రకరకాల వార్తలు వచ్చాయి. వీటన్నింటిపై క్లారిటీ ఇస్తూ తన కొడుకు బెనిడిక్ మైఖేల్ (బెన్నీ) టాలీవుడ్ అరంగేట్రంపై క్లారిటీ ఇచ్చారు. నా ఆరోగ్యం బాగానే ఉంది.. ‘సంక్రాంతి’ తరువాత సినిమా లేదు ప్రస్తుతం నా ఆరోగ్యం బాగానే ఉంది.. నడిచేటప్పుడు స్పీడ్‌గా నడవలేకపోతున్నా.. అదొక్కటే సమస్య. సంక్రాంతి సినిమా తరువాత చాలా అనారోగ్యానికి గురికావడంతో మళ్లీ సినిమాలు చేయలేదు. కోమాలో 40 రోజులు పైగానే ఉన్నా.. బ్రెయిన్ స్టోక్ వచ్చింది. ఆ టైంలో జగపతిబాబు నన్ను చూడ్డానికి వచ్చారు.. చిరంజీవి, కోటి ఇలా చాలామంది వచ్చి చూసి వెళ్లారు. బయటకు వచ్చిన తరువాత నా కొడుకు చదువు నిమిత్తం కాలేజ్ సీటు కోసం చిరంజీవిని కలిశా. ఆ తరవాత మళ్లీ కలిసింది లేదు. చిరంజీవి నా రూమ్ మేట్.. కానీ టచ్‌లో లేరు చిరంజీవి, హరి ప్రసాద్, నేనూ రూమ్ మేట్స్. అయితే ఇప్పుడు పెద్దగా ఎవరూ టచ్‌లో లేరు. ఆర్టిస్ట్ శివ క్రిష్ణ ఒక్కడే టచ్‌లో ఉన్నాడు. ఒకప్పుడు నా హవా నడిచింది.. వచ్చే ప్రతిసినిమాలోనూ నటించేవాడిని. నా వరకూ నేను బాగానే సంపాదించుకున్నా.. ఒకరి ఇచ్చే పొజీషన్‌లో లేను.. అప్పు తీసుకునే స్థితిలో కూడా లేను. ఇబ్బందులు లేకుండా బాగానే ఉన్నాను. ఆర్ధికంగా ఎలాంటి ఇబ్బందుల్లో లేను. మా రూమ్ మేట్స్‌లో చిరంజీవి గారూ బాగా సెటిల్ అయ్యారు. మొదట్లో నేను తమిళ్‌లో చేశాను. తెలుగులో ‘యముగుడికి మొగుడు’ సినిమాతో వచ్చా. చిరంజీవి కంటే ముందే నేను హీరోగా చాలా సినిమాలు చేశాను. భారతీరాజా అవకాశం ఇచ్చారు. ఆ తరువాత 30-40 సినిమాల్లో హీరోగా నటించాను. హీరోగా చేసి కమెడియన్‌గా.. హీరోగా చేసి మళ్లీ కమెడియన్‌గా చేయడం వల్ల నేను ఎలాంటి ఇబ్బంది పడలేదు. ఏ పాత్ర అయినా పండాలనే నటించా. విలన్‌గా కూడా చేశా. ఏ పాత్ర చేసినా మంచి పేరే వచ్చింది. పవన్ కళ్యాణ్ గారితో కూడా మంచి పరిచయం ఉంది.. నన్ను అన్నయ్య అనేవారు. ఆయనతో కొన్ని సినిమాల్లో చేశా.. ఎప్పుడూ పర్సనల్‌గా కలవలేదు. మా అబ్బాయి రక్తంలోనే నటన ఉందంటున్నాడు.. మా అబ్బాయిని సినిమాల్లోకి తీసుకురావాలని అనుకుంటున్నా.. వాడు సినిమాల్లోకి రావాలని ఉత్సాహంగా ఉన్నాడు. నటన అనేది తన బ్లడ్‌లోనే ఉందని అంటున్నాడు. నిజానికి వాడు సినిమాల్లోకి వస్తాడని అనుకోలేదు. ఈ మధ్యనే నాకు ఆ విషయం చెప్పాడు. లక్ ఫేవర్ చేసి టాలెంట్ చూపిస్తే ఎవరైనా సినిమాల్లో రాణించవచ్చు. దానికి నేనే సాక్ష్యం. వీడు పుట్టినప్పుడు నేను మంచి స్వింగ్‌లో ఉన్నా.. వరుసగా సినిమాలు చేస్తూనే ఉన్నా. వీడి ఫస్ట్ అండ్ సెకండ్ బర్త్ డేకి ఇండస్ట్రీ మొత్తం తరలి వచ్చింది. వెంకటేష్, చిరంజీవి, బాలయ్య, సుమన్, పవన్ కళ్యాణ్ ఇలా చాలామంది వచ్చారు. బెనిడిక్ మైఖేల్.. దేవుడిచ్చిన బిడ్డ, ఆ పేరు ఎలా వచ్చిందంటే.. వాడి పేరు బిన్నీ.. అసలు పేరు బెనిడిక్ మైఖేల్. మాకు మొదట్లో పిల్లలు పుట్టలేదు. తొమ్మిదేళ్లు మాకు పిల్లలు పుట్టలేదు. మద్రాస్‌లో ఒక చర్చ్‌లో ప్రార్థనలు చేయడం ద్వారా బెన్నీ పుట్టాడు. వీడు గాడ్ గిఫ్ట్ లాగ మాకు పుట్టాడు. అందుకే మా ఇంటి ముందు కూడా గాడ్ గిఫ్ట్ అని ఉంటుంది. అందుకే వీడికి బెనిడిక్ మైఖేల్ అని పేరు పెట్టాం. బిన్నీ పుట్టిన తరువాత క్రిస్టియన్‌‌గా కన్వర్ట్ అయ్యాం. ట్రైనింగ్ తీసుకుంటున్నా.. సినిమా ఓకే అయ్యింది: బెనిడిక్ మైఖేల్ (బెన్నీ)నటనలో ట్రైనింగ్ తీసుకుంటున్నా. ఒక ప్రాజెక్ట్ రెడీ అయ్యింది. వర్క్ షాప్ నడుస్తుంది. స్క్రిప్ట్ వర్క్ జరుగుతుంది. కొత్త దర్శకుడు నరేష్ నన్ను అప్రోజ్ అయ్యారు. హీరోగా చేయాలనే ఏం లేదు.. నాన్నలా ఏ పాత్ర వచ్చినా చేస్తాను. ఇంతకు ముందు చిరంజీవి సార్‌ని కలిశాను. అయితే అది సినిమాల గురించి కాదు. స్టడీ పర్పస్ మీద కలిశాం. ఇప్పుడైతే నాకు నటించాలని ఉంది. మంచి సినిమాలు వస్తే తప్పకుండా చేస్తా.

from Telugu Movie News | Movie News in Telugu | Movie Gossips in Telugu https://ift.tt/3ccIchk
v