విజయ్ సినిమాలో పూజా హెగ్డే ఖరారు.. రికార్డు స్థాయిలో రెమ్యునరేషన్!!

తమిళ స్టార్ హీరో, అభిమానులతో దళపతి అని పిలుపించుకుంటోన్న విజయ్ మరో భారీ చిత్రంలో నటిస్తున్నారు. ‘మాస్టర్’ సినిమాతో బ్లాక్ బస్టర్ హిట్ అందుకున్న విజయ్.. తన 65వ సినిమాను నెల్సన్ దిలీప్‌కుమార్ దర్శకత్వంలో చేస్తున్నారు. పాన్ ఇండియా మూవీగా రూపొందుతోన్న ఈ చిత్రాన్ని ప్రముఖ నిర్మాణ సంస్థ సన్ పిక్చర్స్ నిర్మిస్తోంది. అనిరుధ్ సంగీతం సమకూరుస్తున్నారు. ఈ చిత్రంలో హీరోయిన్‌గా పూజా హెగ్డేను సంప్రదించారని, ఆమె భారీ మొత్తం డిమాండ్ చేస్తు్న్నారని ఇప్పటికే వార్తలు వచ్చాయి. అయితే, పూజా హెగ్డే డిమాండ్‌కు సన్‌ పిక్చర్స్ సంస్థ అంగీకరించిందని తాజా సమాచారం. ఈ ప్రాజెక్ట్‌లో పూజా హెగ్డేను ఖరారు చేసేశారట. ఆమెకు రూ.3.5 కోట్ల రెమ్యునరేషన్‌ను సన్ పిక్చర్స్ అందజేస్తుందని కోలీవుడ్ టాక్. ఒక హీరోయిన్‌కు రూ.3.5 కోట్లు అంటే పెద్ద మొత్తమే. ఈ చిత్రంలో బాలీవుడ్ నటుడు నవాజుద్దీన్ సిద్ధిఖీ విలన్ రోల్ పోషించనున్నారని అంటున్నారు. ఇదిలా ఉంటే, ప్రస్తుతం దర్శకుడు నెల్సన్ దిలీప్‌కుమార్ లొకేషన్ల అన్వేషణలో బిజీగా ఉన్నట్టు. ప్రస్తుతం ఆయన రష్యాలో ఉన్నారు. తాను రష్యాలో ఉన్న విషయాన్ని తెలియజేస్తూ ఇన్‌స్టాగ్రామ్‌లో తాజాగా కొన్ని పోస్టులు చేశారు. దీన్ని దళపతి 65వ సినిమాకు మెయిన్ లొకేషన్ రష్యా కానుందని స్పష్టమవుతోంది. ఈ సినిమాను ప్రధానంగా రష్యా, చెన్నైలో చిత్రీకరించనున్నారని వార్తలు వినిపిస్తున్నాయి. కాగా, ‘కోలమావు కోకిల’ (తెలుగులో ‘కో కో కోకిల’) సినిమాతో నెల్సన్ దిలీప్‌కుమార్ మంచి గుర్తింపు తెచ్చుకున్నారు. ప్రస్తుతం ఆయన దర్శకత్వం వహించిన ‘డాక్టర్’ సినిమా మార్చి 26న విడుదల కాబోతోంది. ఈ చిత్రంలో శివకార్తికేయన్ హీరో.

from Telugu Movie News | Movie News in Telugu | Movie Gossips in Telugu https://ift.tt/2Pw8F0v
v