వైరల్ అవుతున్న సమంత డాన్స్ మూమెంట్స్ .. బాబోయ్! అక్కినేని కోడలి ఫిట్‌నెస్ చూస్తే..

పెళ్లికి ముందే స్టార్ హీరోయిన్‌గా సత్తా చాటిన .. అక్కినేని కోడలిగా ప్రమోషన్ దక్కాక తెలుగు ప్రేక్షకుల మనసు దోచుకుంటోంది. నాగ చైతన్యతో పెళ్లి తర్వాత వరుస ప్రాజెక్ట్స్ చేస్తూ టాలీవుడ్ లోకాన్ని ఉర్రూతలూగిస్తున్న ఈ ముద్దుగుమ్మ.. మరోవైపు సోషల్ మీడియాలోనూ అంతే చురుకుగా ఉంటూ ఎప్పటికప్పుడు తన లేటెస్ట్ అప్‌డేట్స్ పోస్ట్ చేస్తోంది. ఈ నేపథ్యంలో తాజాగా ఆమె షేర్ చేసిన ఓ వీడియో నెట్టింట వైరల్‌గా మారి తెగ చెక్కర్లు కొడుతోంది. ఓ వైపు సినిమాలు మరోవైపు ఫ్యామిలీ లైఫ్‌ లీడ్ చేస్తూ వస్తున్న సమంత.. ఫిట్నెస్ విషయంలో ప్రత్యేక శ్రద్ద వహిస్తోంది. జిమ్ముల్లో కుస్తీలు పడుతూ చెమటోడుస్తోంది. ఈ నేపథ్యంలో అంతర్జాతీయ మహిళా దినోత్సవం సందర్భంగా స్త్రీ శక్తికి తిరుగులేదన్నట్లుగా ట్యాగ్ లైన్ యాడ్ చేస్తూ తన డాన్స్ మూమెంట్స్ వీడియోను ఇన్‌స్టాగ్రామ్‌లో షేర్ చేసింది సామ్. క్షణాల్లో వైరల్ అయిన ఈ వీడియోలో సమంత సూపర్ ఫిట్‌గా కనిపిస్తుండటంతో నెటిజన్స్ నుంచి లైకుల వర్షం కురుస్తోంది. అక్కినేని నాగ చైతన్య సహా ఇప్పటికే 13 లక్షలకు పైగా లైక్స్ రావడం విశేషం. ఇక సామ్ కెరీర్ చూస్తే.. ఆమె నటించిన ‘ఫ్యామిలీ మెన్ 2’ వెబ్ సిరీస్ త్వరలో అమెజాన్ ప్రైమ్‌లో స్ట్రీమింగ్ కానుంది. రెండో సీజన్‌లో సమంత టెర్రరిస్ట్‌గా నటిస్తుండడంతో ఈ సిరీస్‌పై మరింత ఆసక్తి నెలకొంది. మరోవైపు సమంత ప్రధాన పాత్రలో గుణశేఖర్ దర్శకత్వంలో రూపొందనున్న 'శాకుంతలం' సినిమాను అతి త్వరలో సెట్స్ మీదకు తీసుకురాబోతున్నారు. ఈ సినిమాలో మలయాళ హీరో దేవ్ మోహన్ దుష్యంతుడుగా నటించనుండగా, సమంత తొలిసారి పౌరాణిక పాత్ర శకుంతల వేషం కట్టబోతోంది. ఈ మూవీతో సామ్ మరో మెట్టు ఎక్కడం ఖాయం అని తెలుస్తోంది.

from Telugu Movie News | Movie News in Telugu | Movie Gossips in Telugu https://ift.tt/30noglk
v