‘శ్రీకారం’ సినిమానే ‘మహర్షి’ కాపీ కొట్టినట్టా? డైరెక్టర్ అజయ్ భూపతి వ్యాఖ్యలతో కన్ఫ్యూజన్‌

శర్వానంద్ బి. కిశోర్ అనే కొత్త దర్శకుడిని పరిచయం చేస్తూ వ్యవసాయంలో కొత్త ఒరవడికి ‘’ చుట్టారు. మహా శివరాత్రి కానుకగా ఈ సినిమా మార్చి 11న విడులై పాజిటివ్ రెస్పాన్స్ రాబట్టింది. వ్యవసాయం నేపథ్యంలో ఫ్యామిలీ ఎమోషన్స్‌తో దర్శకుడు తొలి ప్రయత్నంలోనే ఆకట్టుకున్నాడు. అయితే వ్యవసాయం నేపథ్యంలో ఇప్పటికే , భీష్మ లాంటి చిత్రాలు రావడంతో ఆ చిత్రాలతో పోల్చుతూ కథ కొత్తగా లేదనే విమర్శలు వినిపిస్తున్నాయి. తాజాగా ఈ మూవీ సక్సెస్ మీట్‌ను నిర్వహించగా.. ఈ విషయాన్ని ప్రస్తావిస్తూ ‘ఆర్ ఎక్స్ 100’ దర్శకుడు అజయ్ భూపతి ఆసక్తికర వ్యాఖ్యలు చేశారు. శ్రీకారం సినిమా మహర్షిలా ఉందంటూ వస్తున్న కామెంట్స్‌పై పరోక్షంగా స్పందిస్తూ అసలు విషయం చెప్పారు. ‘ఈ సినిమా నేను రాత్రి చూశా.. కొంతమంది ఫ్రెండ్స్ మార్నింగ్ షోలు చూసి ఫోన్ చేసి.. శ్రీకారం సినిమా వేరే సినిమాలతో పోల్చుతూ అలా ఉంది.. కొంచెం ఇలా ఉందని అంటున్నారు. ఇలాంటి వాళ్ల కోసం నేను ఒక్కటే చెప్తున్నా.. ఈ సినిమా నేను 2016లోనే చూశా.. శ్రీకారం అనే షార్ట్ ఫిల్మ్ ఇది. ఈ కాన్సెప్ట్ మీరు చెప్పిన సినిమాలకంటే ఎప్పుడో ముందే వచ్చేసింది. అది తీసింది కూడా కిషోరే. ఆ షార్ట్ ఫిల్మ్‌నే డెవలప్ చేసి ఇప్పుడు మూవీగా తీశాడు. ఫస్ట్ మూవీనే ఇలాంటి కాన్సెప్ట్ ఎంచుకోవడం మామూలు విషయం కాదు. నేను ఒక విలేజ్ నుంచి వచ్చినవాడ్నే.. వ్యవసాయం తెలుసు.. వాళ్ల బాధలు తెలుసు.. వాళ్ల ఎమోషన్స్ తెల్సు.. 15 ఏళ్ల క్రితం నుంచి వ్యవసాయం చేయలేక.. హైదరాబాద్‌కి వచ్చేసి ఇక్కడ హోటల్స్ పెట్టుకున్న ఫ్యామిలీలు ఓ 50కి పైగానే నాకు తెల్సు. అందుకే ఈ సినిమాకి నేను బాగా కనెక్ట్ అయిపోయా. శర్వానంద్ గారి పెర్ఫామెన్స్ అద్భుతం. ఆయనతో నేను ఇప్పుడు ‘మహాసముద్రం’ సినిమా చేస్తున్నా. శ్రీకారంలో శర్వానంద్.. మహాసముద్రంలో శర్వానంద్ ఫుల్ ఆపోజిట్‌లో ఉంటాడు. ఈ సినిమాలో ఆయన పెర్ఫామెన్స్ చూసి షాకయ్యా. ఇంతమంచి సినిమా ఇచ్చినందుకు ఒక ఆడియన్‌గా థాంక్స్ చెప్పాలని అనుకుంటున్నా. అందరూ తప్పకుండా చూడాల్సిన సినిమా. ముఖ్యంగా యూత్. అందులో రావు రమేష్, సాయి కుమార్, నరేష్ పెర్ఫామెన్స్ అద్భుతం. ఈ సినిమాని మరింత ముందుకు తీసుకువెళ్లాల్సిన బాధ్యత మీడియాపై ఉంది. మౌత్ టాక్ చాలా బాగుంది.. దాన్ని మరింతగా పెంచాలని కోరుతున్నాను అంటూ రిక్వెస్ట్ చేశారు దర్శకుడు అజయ్ భూపతి. ఇతని మాటల్ని బట్టి.. మహర్షి, భీష్మ చిత్రాలను శ్రీకారం కాపీ కొట్టడం కాదు.. ‘శ్రీకారం’ అనే షార్ట్ ఫిల్మ్‌నే ‘మహర్షి’, ‘భీష్మ’లు కాపీ కొట్టాయా? అనే కన్ఫ్యూజన్‌లోకి నెట్టారు అజయ్ భూపతి. అయితే ఆయన ఎక్కడా ఈ చిత్రాల పేర్లను ప్రస్తావించకుండా సీరియస్ కామెంట్స్ చేశారు.

from Telugu Movie News | Movie News in Telugu | Movie Gossips in Telugu https://ift.tt/3qF020z
v