వాళ్లిద్దరు ఎప్పుడూ అద్భుతమే.. దేవి, సిద్‌కు మహేష్ బాబు ప్రశంస

ప్రముఖ సంగీత దర్శకుడు, రాక్ స్టార్ దేవిశ్రీ ప్రసాద్.. ఈ మధ్య కాలంలో బాగా పాపులర్ అయిన గాయకుడు సిద్ శ్రీరామ్ ఎప్పటిలానే అద్భుతం చేశారన్నారు సూపర్ స్టార్ మహేష్ బాబు. దేవిశ్రీ ప్రసాద్ సంగీత దర్శకత్వంలో సిద్ శ్రీరామ్ ఆలపించిన ‘నా కనులు ఎపుడూ’ అనే పాటను మహేష్ బాబు గురువారం విడుదల చేశారు. నితిన్, కీర్తి సురేష్ జంటగా నటించిన ‘రంగ్ దే’ సినిమాలోని ఈ పాట. ట్విట్టర్ ద్వారా ఈ పాట లిరికల్ వీడియోను విడుదల చేసిన మహేష్ బాబు.. దేవి, సిద్‌పై ప్రశంసలు కురిపించారు. ‘రంగ్ దే’ నుంచి ఇప్పటికే రెండు పాటలు విడుదలయ్యాయి. ఈ పాటలు సంగీత ప్రియులను అలరిస్తున్నాయి. ఇప్పుడు ఈ మూడో పాట సైతం అద్భుతంగా ఉంది. చిత్ర కథానుసారం సందర్భోచితంగా ఈ పాట వస్తుందట. ఈ అందమైన పాటకు శ్రీమణి సాహిత్యం సమకూర్చారు. మహేష్ బాబు విడుదల చేయడంతో ఈ పాట మరింత మందికి రీచ్ అయ్యింది. పాటను విడుదల చేసిన మహేష్ బాబుకు నితిన్, కీర్తి సురేష్, దర్శకుడు వెంకీ అట్లూరి, నిర్మాత సూర్యదేవర నాగవంశీ, సంగీత దర్శకుడు దేవిశ్రీ ప్రసాద్ తమ ట్విట్టర్ ఖాతా ద్వారా కృతజ్ఞతలు తెలియజేశారు. మహేష్ బాబు ట్వీట్‌ను రీట్వీట్ చేసిన దేవిశ్రీ ప్రసాద్.. ‘‘ఈ క్లాసికల్ మెలొడీలోని విడుదల చేసిన ప్రియమైన సూపర్ స్టార్ మహేష్ బాబు గారికి చాలా కృతజ్ఞతలు. ఈ పాటను మా గురువు శ్రీ మాండలిన్ శ్రీనివాస్ అన్నకు అంకితం ఇస్తున్నాను. క్లాసికల్ మ్యూజిక్‌లో ఉన్న అందాన్ని నాకు నేర్పించారాయన. మీ అందరికీ ఈ పాట నచ్చుతుందని ఆశిస్తున్నాను’’ అని పేర్కొన్నారు. ‘రంగ్ దే’ మార్చి 26న విడుదలవుతున్న నేపథ్యంలో చిత్రం ప్రచార కార్యక్రమాలు మరింతగా ఊపందుకున్నాయి. సకుటుంబ సమేతంగా చూడతగ్గ చిత్రంగా దీన్ని రూపొందించారు దర్శకుడు వెంకీ అట్లూరి. తొలిసారి కలిసి నటిస్తోన్న నితిన్, కీర్తి సురేష్ జంట వెండితెరపై కనువిందు చేయనుందన్న నమ్మకం వరుసగా విడుదల అవుతున్న ప్రచార చిత్రాలు, వీడియోలు, పాటల ద్వారా కలుగుతోంది. కాగా, ఈ సినిమాను సితార ఎంటర్‌టైన్మెంట్స్ బ్యానర్‌పై సూర్యదేవర నాగవంశీ నిర్మించారు. పి.డి.వి.ప్రసాద్ సమర్పకులు. ఈ చిత్రంలో సీనియర్ నటుడు నరేష్, వినీత్, రోహిణి, కౌసల్య, బ్రహ్మాజీ, వెన్నెల కిషోర్, సత్యం రాజేష్, అభినవ్ గోమటం, సుహాస్, గాయత్రి రఘురామ్ ఇతర ముఖ్య పాత్రల్లో నటించారు.

from Telugu Movie News | Movie News in Telugu | Movie Gossips in Telugu https://ift.tt/389v9uC
v