యంగ్ హీరో శర్వానంద్ నటించిన ‘శ్రీకారం’ సినిమాపై ఇప్పటికే అంచనాలు ఏర్పడ్డాయి. సున్నితమైన భావోద్వేగాలతో కుటుంబ కథా చిత్రాలను తెలుగు ప్రేక్షకులకు అందిస్తోన్న శర్వానంద్ నుంచి వస్తోన్న మరో ఫ్యామిలీ ఎంటర్టైనర్ ఇది. గ్రామీణ నేపథ్యంలో వ్యవసాయం, రైతుల సమస్యలపై ఈ సినిమా రూపొందింది. 14 రీల్స్ ప్లస్ పతాకంపై రామ్ ఆచంట, గోపీ ఆచంట సంయుక్తంగా నిర్మించిన ఈ చిత్రానికి కిషోర్ బి. దర్శకత్వం వహించారు. మిక్కీ జే మేయర్ సంగీతం సమకూర్చిన ఈ చిత్రం మార్చి 11న విడుదలవుతోంది. ఈ సందర్భంగా ఈ మూవీలో ఒక కీలక పాత్రలో నటించిన సీనియర్ నటుడు వీకే నరేష్ మీడియాతో ముచ్చటించారు. ఆ చెప్పిన విశేషాలు.. ✦ కరోనా తర్వాత భారతదేశంలో ప్రతి ఇండస్ట్రీ తెలుగు సినీ పరిశ్రమ వైపు చూస్తుంది. అందుకు ఒక తెలుగు నటుడిగా గర్వంగా ఉంది. ప్రస్తుతం మన పరిశ్రమ సక్సెస్ రేట్ కానీ, యువ ప్రతిభావంతులైన దర్శకుల సంఖ్య పెరగడం కానీ సంతోషించదగ్గ విషయం. ✦ గత పది సంవత్సరాలుగా నేను ఎన్నో మంచి మంచి పాత్రల్లో నటించడం అదృష్టంగా భావిస్తున్నాను. లాక్డౌన్ సమయంలో కూడా ‘ఉమా మహేశ్వర ఉగ్ర రూపస్య’ లాంటి మంచి సినిమాల్లో నటించాను. ✦ ముఖ్యంగా ఈ నాలుగు నెలల కాలంలో నిర్విరామంగా షూటింగ్ చేసి 12 సినిమాల్ని పూర్తిచేశాను. అందులో పాతవి కొన్ని ఉన్నాయి. అలాగే, కరోనా తర్వాత మొదలైన సినిమాలు ఉన్నాయి. అన్నీ మంచి పాత్రలే కావడం విశేషం. నాకు నటనలో ఎస్.వి.రంగారావు గారు స్పూర్తి. ఆయనలా అన్ని రకాల పాత్రలు చేసి ప్రేక్షకులని మెప్పించాలన్నదే నా అభిలాష. ✦ ప్రస్తుత కాలంలో ప్రేక్షకులు ఎంటర్టైన్మెంట్తో పాటు ఒక కొత్త ఎమోషన్ని ఎక్స్పెక్ట్ చేస్తున్నారు. ‘శ్రీకారం’ విషయానికి వస్తే ఎంటర్టైన్మెంట్ని ఒక కొత్త బ్యాక్ డ్రాప్లో తీసుకుని దానికి ఎమోషన్ని యాడ్ చేసి ఒక యువ దర్శకుడితో ఈ సినిమా తీసినందుకు ముందుగా 14 రీల్స్ ప్లస్ నిర్మాతల్ని నేను అభినందిస్తున్నాను. రామ్ ఆచంట, గోపి ఆచంట, హరీష్ కట్టా తెలుగు సినీ పరిశ్రమలో డెడికేటెట్ ప్రొడ్యూసర్స్. నేను గతంలో కూడా వారితో పనిచేశాను. ✦ రియాల్టీకి దగ్గరగా ఎమోషన్స్ని కనెక్ట్ చేసి తీసిన ఈ సినిమా 14 రీల్స్ ప్లస్కి అవార్డులు, రివార్డులు తీసుకు వస్తుందని నేను నమ్ముతున్నాను. ✦ ఇప్పటి వరకూ నేను 250కి పైగా చిత్రాల్లో నటించాను. అయితే 20 ఎకరాల్లో ఒక పొలం సెట్ వేయడం నిజంగా ఆశ్చర్యంగా అనిపించింది. అది చాలా శ్రమతో కూడిన పని. ✦ ఈ రోజుల్లో చాలా మంది ఎన్నారైలు ఉద్యోగాలు వదిలిపెట్టి వ్యవసాయం చేయడానికి ఇక్కడికి వస్తున్నారు. దాన్ని బేస్గా తీసుకుని కిషోర్ ఈ చిత్రాన్ని తెరకెక్కించాడు. ✦ శర్వానంద్ న్యూ జనరేషన్ హీరో. ఇలాంటి మంచి సబ్జెక్ట్ ఎన్నుకున్నందుకు శర్వాని నేను అభినందిస్తున్నాను. చాలా బాగా నటించాడు. సాయి మాధవ్ బుర్రా అద్భుతమైన సంభాషణల్ని రాశారు. ✦ ఈ సినిమాలో చాలా ఎమోషనల్గా ఫీలయ్యే రైతు పాత్రలో నటించాను. నా పాత్ర గురించి ఇప్పుడే చెప్పను. కానీ రేపు థియేటర్లో మీరు థ్రిల్ ఫీలవుతారు. కథలో చాలా ముఖ్యమైన పాత్ర. తప్పకుండా నా కెరీర్లో ఒక మైలురాయిగా నిలుస్తుంది. ✦ ఈ మూవీ ఆల్రెడీ మ్యూజికల్గా మంచి హిట్ అయ్యింది. సాంగ్స్కి మంచి రెస్పాన్స్ వస్తోంది. తప్పకుండా తెలుగు పరిశ్రమలో జాతీయ స్థాయిలో చెప్పుకునే మంచి సినిమా అవుతుంది.
from Telugu Movie News | Movie News in Telugu | Movie Gossips in Telugu https://ift.tt/38fElxT
v
No comments:
Post a Comment