టాలీవుడ్ మినిమమ్ గ్యారెంటీ హీరో 'నాంది' అనే డిఫరెంట్ కాన్సెప్ట్ సినిమాతో ప్రేక్షకుల ముందుకు రాబోతున్నారు. అల్లరోడి కెరీర్లో 57వ సినిమాగా రాబోతున్న ఈ మూవీతో విజయ్ కనకమేడల దర్శకుడిగా పరిచయం కాబోతున్నాడు. ఎస్వీ2 ఎంటర్టైన్మెంట్ బ్యానర్పై రూపొందుతున్న ఈ సినిమాకు సతీష్ వేగేశ్న నిర్మాతగా వ్యవహరించడం విశేషం. చిత్రంలో వరలక్ష్మీ శరత్ కుమార్, హరీష్ ఉత్తమన్, ప్రవీన్, ప్రియదర్శి, దేవీ ప్రసాద్, వినయ్ వర్మ కీలక పాత్రలు పోషించారు. శ్రీచరణ్ పాకల బాణీలు కట్టారు. ఇప్పటికే ఈ సినిమా నుంచి విడుదలైన అన్ని అప్డేట్స్ అంచనాలు పెంచేశాయి. ముఖ్యంగా 'నాంది'లో అల్లరి నరేష్ నగ్నంగా నటించడం, సీరియస్ రోల్ పోషించడంతో ప్రతి ఒక్కరిలో ఆసక్తి నెలకొంది. ఫిబ్రవరి 19న సినిమా విడుదల కానుంది. ఈ నేపథ్యంలో చిత్ర ప్రమోషన్స్లో భాగంగా నిన్న (సోమవారం) హైదరాబాద్లో 'నాంది' ప్రీ రిలీజ్ ఈవెంట్ నిర్వహించారు. ఈ ఈవెంట్కి చిత్రయూనిట్తో పాటు డైరెక్టర్ హరీష్ శంకర్, శరత్ కుమార్, రాధిక తదితరులు విచ్చేసి స్పెషల్ అట్రాక్షన్ అయ్యారు. ఈ సందర్భంగా వేదికపై నరేష్ మాట్లాడుతూ.. ''నా 57 సినిమాల ప్రస్థానానికి నాంది కామెడీ సినిమాలే. కాబట్టి అప్పుడప్పుడూ ఇలాంటి డిఫరెంట్ సినిమాలు చేసినా ఆ కామెడీ సినిమాలు మాత్రం అస్సలు వదలను. 'నాంది' అనేది ఏ ఒక్కరి సినిమా కాదు. అందరం కలిసి కష్టపడ్డాం. ప్రతి ఒక్కరూ దర్శకనిర్మాతలకు సహకరించి సినిమాను కంప్లీట్ చేశారు. ఇప్పటివరకు నరేష్ని ఈ సినిమా తర్వాత నరేష్ని మరోలా చూస్తారు. మా సెట్లో టెర్రర్ అంటే వరలక్ష్మి శరత్ కుమార్. ఎందుకంటే ఎవ్వర్నీ బ్రతకనివ్వదు. ఏదో ఒకటి అంటూనే ఉంటుంది. అది ఆన్ స్క్రీన్ అయినా ఆఫ్ స్క్రీన్ అయినా చాలా ఎనర్జిటిక్గా ఉంటుంది. ప్రతి ఒక్క టెక్నీషియన్ చాలా కష్టపడ్డారు. అందరినీ కొత్త పంథాలో చూస్తారు. ఇక నుంచి ఇలాంటి కంటెంట్ ఉన్న సినిమాలే చేస్తూ ఉంటాను. మనిషి జీవితంలో ఏడుపు, నవ్వు.. ఇలా అన్ని మోషన్స్ ఈ నాందిలో మీరు చూస్తారు. సినిమాతో మంచి మెసేజ్ ఇవ్వబోతున్నాం. చాలా కాన్ఫిడెంట్గా చెబుతున్నా. సక్సెస్ మీట్లో మళ్ళీ కలుద్దాం. ఈ సినిమా చూశాక అంతా గర్వంగా ఫీల్ అవుతారు'' అన్నారు.
from Telugu Movie News | Movie News in Telugu | Movie Gossips in Telugu https://ift.tt/3alfx95
v
No comments:
Post a Comment