ఇస్మార్ట్ శంకర్ లాంటి భారీ బ్లాక్బస్టర్ మూవీ తర్వాత ఎనర్జిటిక్ స్టార్ హీరోగా రూపొందిన సినిమా RED. సస్పెన్స్ థ్రిల్లర్ కథతో కిషోర్ తిరుమల ఈ సినిమాను ఎంతో ఆసక్తికరంగా మలిచారు. సంక్రాంతి కానుకగా జనవరి 14న విడుదలైన ఈ మూవీ సక్సెస్ టాక్ తెచ్చుకొని విజయవంతంగా ప్రదర్శించబడుతోంది. ఈ సక్సెస్తో ఫుల్ ఖుషీ అవుతున్న చిత్రయూనిట్ వైజాగ్లో సక్సెస్ మీట్ నిర్వహించింది. ఈ సమావేశంలో హీరోయిన్ స్పీచ్ రామ్ అభిమానులను హుషారెత్తించింది. మాళవిక శర్మ మాట్లాడుతూ.. ''స్రవంతి మూవీస్తో పని చేయడం నాకు చాలా ఆనందంగా ఉంది. మళ్ళీ మళ్ళీ ఈ టీమ్తో కలిసి పనిచేయాలని కోరుకుంటున్నా. డైరెక్టర్ కిషోర్ సార్ మూలంగా ప్రజలు నన్ను మహిమా (చిత్రంలో ఆమె పేరు) అనే పేరుతో పిలవడం ప్రారంభించారు. అలాంటి మంచి రోల్ ఇచ్చినందుకు ధన్యవాదాలు చెబుతున్నా. ఇక ఈ చిత్రం చూశాక రామ్కి పెద్ద అభిమానిని అయిపోయాను. ఆయన వేరే లెవల్లో పర్ఫార్మ్ చేశారు. ఈ సూపర్ హిట్ చిత్రంలో నన్ను కూడా భాగం చేసినందుకు అందరికీ ధన్యవాదాలు. RED చూడని వారు తప్పకుండా చూడండి. థ్రిల్ అవుతారు'' అన్నారు. ఈ RED సినిమాలో రామ్ రెండు విభిన్న పాత్రల్లో నటించగా.. ఆయన సరసన నివేదా పేతురాజ్, మాళవికా శర్మ, అమృతా అయ్యర్ హీరోయిన్లుగా నటించారు. భారీ అంచనాల నడుమ విడుదలైన ఈ మూవీ మొదటిరోజే సక్సెస్ టాక్ తెచ్చుకొని కలెక్షన్స్ పరంగా భేష్ అనిపించుకుంటోంది. శ్రీ స్రవంతి మూవీస్ పతాకంపై స్రవంతి రవికిశోర్ నిర్మించిన ఈ మూవీ మణిశర్మ సంగీతం ప్లస్ అయింది.
from Telugu Movie News | Movie News in Telugu | Movie Gossips in Telugu https://ift.tt/2XQmAPS
v
No comments:
Post a Comment