RRR సినిమా తరవాత మెగా పవర్ స్టార్ చేయబోయే సినిమా ఏంటి అనే ప్రశ్న ప్రతి ఒక్క మెగా అభిమానిలో ఉంది. ఎందుకంటే, RRRలోనే నటిస్తోన్న మరో హీరో ఎన్టీఆర్ తన తరవాత ప్రాజెక్ట్తో రెడీగా ఉన్నారు. అలాగే, స్టైలిష్ స్టార్ అల్లు అర్జున్ వరుసగా ప్రాజెక్ట్లను లైన్లో పెట్టారు. కానీ, చరణ్ మాత్రం ఇంకా తన తరవాత ప్రాజెక్ట్ను ఫైనల్ చేయలేదు. అయితే, బ్లాక్ బస్టర్ డైరెక్టర్ అనిల్ రావిపూడితో రామ్ చరణ్ సినిమా చేయబోతున్నారనే రూమర్ మాత్రం ఇండస్ట్రీలో ఉంది. ఇప్పుడు ఈ రూమర్కు మరో వదంతు తోడయ్యింది. రామ్ చరణ్ మేనేజర్ ప్రవీణ్ ఇటీవల అనిల్ రావిపూడిని కలిశారట. రామ్ చరణ్తో అనిల్ రావిపూడి చేయబోయే సినిమా కోసమే ఆయన కలిశారని టాక్ వినిపిస్తోంది. RRR సినిమా చిత్రీకరణ త్వరలో పూర్తికానున్న నేపథ్యంలో రామ్ చరణ్ తేదీల కోసం మాట్లాడేందుకు ప్రవీణ్ను అనిల్ రావిపూడి పిలుపించుకున్నారని అంటున్నారు. ఈ ఏడాది ఆఖరిలో రామ్ చరణ్ తేదీల అందుబాటు గురించి ప్రవీణ్తో అనిల్ చర్చించారట. అనిల్ రావిపూడి ప్రస్తుతం ‘గాలి సంపత్’, ‘ఎఫ్3’ సినిమాలతో బిజీగా ఉన్నారు. ‘గాలి సంపత్’కు సమర్పకుడిగా ఉన్న అనిల్.. ఈ చిత్రానికి స్క్రీన్ప్లే అందించడంతో పాటు దర్శకత్వ పర్యవేక్షణ చేస్తున్నారు. ఇక వెంకటేష్, వరుణ్ తేజ్ హీరోలుగా ‘ఎఫ్3’ సినిమాను డైరెక్ట్ చేస్తున్నారు. ‘గాలి సంతప్’ చివరి దశకు చేరుకుంది. ప్రస్తుతం సారథి స్టూడియోస్లో చిత్రీకరణ జరుగుతోంది. మార్చి 11న ఈ చిత్రం విడుదల కానుంది. ఈ సినిమా తరవాత అనిల్ రావిపూడి ‘ఎఫ్3’ షూటింగ్ను మొదలుపెడతారు. ఆయన సినిమాలు ఎంత వేగంగా పూర్తిచేస్తారో తెలిసిన విషయమే. కాబట్టి, ఈ ఏడాది చివరికి రామ్ చరణ్ మూవీ మొదలుపెట్టడం ఖాయం అనే టాక్ వినిపిస్తోంది. నిజానికి అనిల్ రావిపూడి వినిపించిన స్క్రిప్ట్ను రామ్ చరణ్ రిజెక్ట్ చేశారని గతంలో రూమర్లు వచ్చాయి. కానీ, అదే స్క్రిప్ట్పై రామ్ చరణ్ ఇప్పుడు ఆసక్తి చూపించారని మరో కొత్త రూమర్. అందుకే, ఈ సినిమాను పట్టాలెక్కించడానికి తేదీలు ఫైనల్ చేసుకున్నారన్నది ఇండస్ట్రీ వర్గాల సమాచారం. మరి దీనిలో నిజమెంతో తెలియాలంటే అధికారిక ప్రకటన వచ్చేంత వరకు ఆగాల్సిందే.
from Telugu Movie News | Movie News in Telugu | Movie Gossips in Telugu https://ift.tt/3iIzwBb
v
No comments:
Post a Comment