ఏడ్చేవాళ్లు ఏడెండెహే.. మీ ఏడుపులే వారికి దీవెనలు.. సింగర్ సునీత-రామ్ జంటకు వివాహ శుభాకాంక్షలు. సింగర్ సునీత రెండో పెళ్లి చేసుకోవడంపై సోషల్ మీడియాలో దారుణమైన కామెంట్లు వస్తున్నాయి. ఆమె ఏదో సమాజ వ్యతిరేక చర్యకు పాల్పడినట్టుగా ట్రోల్ చేస్తున్నారు. పిల్లలు పెళ్లీడుకు వస్తే.. ఈ వయసులో నీకు పెళ్లి కావాల్సి వచ్చిందా? అంటూ దారుణమైన రీతిలో నోటికి పనిచెప్తున్నారు. ఇద్దరు ముగ్గుర్ని ఉంచుకుని చిన్న ఫ్యామిలీ.. పెద్ద ఫ్యామిలీ అంటూ ఎన్ని తప్పుడు వేషాలు వేస్తున్నా హర్షిస్తున్న నేటి సమాజంలో ఎందుకో కొంతమందికి మాత్రం సింగర్ సునీత మహా పాపం చేసినట్టుగానే దారుణపదజాలంతో బూతులు తిడుతున్నారు. అఫ్ కోర్స్ ఎవరి ఇష్టం వాళ్లది. అవసరం కోసమో.. ఆస్తుల కోసమే అని విమర్శించేవాళ్ల వెర్షన్ ఏదైనా కావచ్చు.. బట్!! రామ్ చేయిపట్టుకున్న తరువాత సింగర్ సునీత కళ్లలో ఆనందం.. ఆ హ్యాపీనెస్.. ఓ బంధం కోసం.. ఓ బాధ్యత కోసం.. ఓదార్పు కోసం అని ఆమెను ఆశీర్వదించేవాళ్లు చాలామందే ఉన్నారు. కొత్త జంటకు వివాహ శుభాకాంక్షలు తెలియజేస్తూ మూవీ క్రిటిక్ మహేష్ కత్తి.. సునీత పెళ్లిపై ఆసక్తికరమైన పోస్ట్లను షేర్ చేశాడు. ‘ చేసుకున్నా మనోభావాలు దెబ్బతీసుకుంటారేంటి ఈ బత్తాయిలు?!?’ అంటూ సునీత పెళ్లిపై నెగిటివ్ కామెంట్స్ చేస్తున్న వారికి పంచ్ వేశాడు కత్తి మహేష్. మరో పోస్ట్లో.. ‘ఈ కళ్లలో ఆనందం చూస్తే ఎందుకో "ఇబ్బంది."? అరే... ఎదో బాధ్యతతో పెళ్లి చేసుకుంటారు. ఎవరినైనా ఉద్ధరించడానికి పెళ్లి చేసుకుంటారు. బాధల్లో ఉంటే ఓదార్చడానికి, ఆదుకోవడానికి పెళ్లి చేసుకుంటారు. ఇలా సుఖం కోసం. ఆనందం కోసం. ఆర్భాటంగా పెళ్లి చేసుకుని. సంతోషంగా కనిపిస్తే...హమ్మో! ఎంత కష్టం.. ఎంత కష్టం. . ఏదో రెండోపెళ్లి చాటుమాటుగా చేసుకుని.. గిల్ట్ ఫీలవుతూ, ఏడుపు ముఖాలతో కనిపించాలిగానీ. ఈ బిమింగ్ హ్యాపీనెస్ ఏమిటి?ఆ కళ్లలో ఆ ఆనందం ఏమిటి? ఆ వెలుగేమిటి? ఎట్లా ఇట్లా అయితే? సమాజం నాశనం అయిపోదా...హమ్మా!!! సమాజానికి మీరు ఇలా ఏం సందేశం ఇస్తున్నట్టు? ఛస్! ఆయ్!!’ అంటూ సెటైర్లు వేశాడు కత్తి మహేష్.
from Telugu Movie News | Movie News in Telugu | Movie Gossips in Telugu https://ift.tt/3nzHGwi
v
No comments:
Post a Comment