అండర్ వరల్డ్ డాన్, ఇండియాస్ మోస్ట్ వాంటెడ్ క్రిమినల్ దావూద్ ఇబ్రహీం జీవితం ఆధారంగా ఒక వెబ్ సిరీస్ను రూపొందించనున్నట్టు వివాదాస్పద దర్శకుడు 2019లో ప్రకటించారు. ఇది తన డ్రీమ్ ప్రాజెక్ట్ అని కూడా చెప్పారు. అయితే, ఈ సిరీస్ ప్రకటించిన తరవాత వేరే సినిమాలతో వర్మ బిజీ అయిపోయారు. లాక్డౌన్ సమయంలో వరుస లఘు చిత్రాలతో వర్మ షేక్ చేశారు. అయితే, ఇప్పుడు మళ్లీ తన డ్రీమ్ ప్రాజెక్ట్పై ప్రకటన చేశారు వర్మ. ప్రపంచంలోనే భయంకరమైన సంస్థగా దావూడ్ ఇబ్రహీం ఎలా ఎదిగాడో చెప్పే నిజమైన కథను ఈ సిరీస్ ద్వారా తాను చూపించబోతున్నట్టు వర్మ బుధవారం ప్రకటించారు. తన లైఫ్టైమ్ డ్రీమ్ ప్రాజెక్ట్ అయిన ఈ సిరీస్ ఫస్ట్ లుక్ పోస్టర్ను ఈనెల 15న ఉదయం 11 గంటలకు విడుదల చేయనున్నట్టు చెప్పారు. ఈ ప్రాజెక్ట్ను స్పార్క్ కంపెనీ అధినేత స్పార్క్ సాగర్ నిర్మిస్తున్నట్టు పేర్కొన్నారు. కాగా, దావూడ్ ఇబ్రహీంపై గతంలో వర్మ ఒక సినిమా తీశారు. దావూద్ జీవిత కథ ఆధారంగా 2002లో ‘కంపెనీ’ అనే సినిమా వచ్చింది. అజయ్ దేవగణ్, వివేక్ ఒబెరాయ్, ఊర్మిళ ప్రధాన పాత్రల్లో ఈ సినిమాను వర్మ రూపొందించారు. అయితే, ఈ సినిమా ద్వారా న్యాయం చేయలేకపోయాననే ఫీలింగ్ వర్మలో ఉండిపోయిందట. దావూద్ గురించి గత రెండు దశాబ్దాలుగా వర్మ చాలా సమాచారం సేకరించారట. దీంతో వెబ్ సిరీస్ తీస్తేనే బాగుంటుందని నిర్ణయించుకుని దీన్ని ప్రకటించినట్టు అప్పట్లో ఓ ఇంగ్లిష్ దిన పత్రికకు ఇచ్చిన ఇంటర్వ్యూలో వర్మ వెల్లడించారు.
from Telugu Movie News | Movie News in Telugu | Movie Gossips in Telugu https://ift.tt/2LMTqhO
v
No comments:
Post a Comment