లాభాల బాటలో బెల్లంకొండ మూవీ.. మూడు రోజుల్లోనే అల్లుడు అదుర్స్ అనిపించాడే!!

యంగ్ హీరో బెల్లంకొండ శ్రీనివాస్ హీరోగా రూపొందిన లేటెస్ట్ మూవీ అల్లుడు అదుర్స్. ఈ చిత్రానికి సంతోష్ శ్రీ‌నివాస్ ద‌ర్శ‌క‌త్వం వహించగా బెల్లంకొండ శ్రీనివాస్ సరసన నభా నటేష్, అను ఇమ్మాన్యుయేల్ హీరోయిన్లుగా నటించారు. సోనూ సూద్, ప్రకాష్ రాజ్, వెన్నెల కిషోర్, బ్రహ్మాజీ కీలక పాత్రలు పోషించారు. దేవీ శ్రీ ప్రసాద్ సంగీతం అందించారు. సంక్రాంతి కానుకగా జనవరి 14వ తేదీన ఈ సినిమా విడుదలై సక్సెస్ బాటలో నడుస్తోంది. తొలిషో తోనే క్లీన్ ఫామిలీ ఎంటర్‌టైనర్ అనిపించుకున్న ఈ సంక్రాంతి అల్లుడు వరుసగా మూడు రోజులపాటు థియేటర్స్‌లో హవా నడిపించాడు. సంక్రాంతి సెలవులు కలసి రావడంతో ఫ్యామిలీ ఆడియన్స్ థియేటర్ల బాట పట్టారు. దీంతో ఈ మూవీ తొలి మూడు రోజుల్లో మంచి బిజినెస్ చేసి మొత్తంగా 10 కోట్ల మేర వసూళ్లు రాబట్టి సక్సెస్‌ఫుల్ రన్ కొనసాగిస్తోంది. ఈ క్రమంలో కేవలం మూడు రోజుల్లోనే అల్లుడు అదుర్స్ లాభాల్లోకి ఎంటరైందని చిత్రయూనిట్ అంటోంది. ఈ చిత్ర నిర్మాణానికి 32 కోట్ల రూపాయలు కేటాయించగా.. శాటిలైట్, డిజిటల్ రైట్స్ రూపంలో 21 కోట్ల రూపాయల ప్రీ రిలీజ్ బిజినెస్ జరిగింది. ఇప్పుడు మూడు రోజుల్లోనే మరో 10 కోట్లు వచ్చేశాయి. కాబట్టి సినిమా ప్రాఫిట్ జోన్‌లో నడుస్తోందని చిత్రయూనిట్ అంటున్న మాట. ఫ్యామిలీ ఆడియన్స్‌ని ఆకట్టుకుంటున్న ఈ సినిమాలో ప్రకాష్ రాజ్, సోనూ సూద్ నటనకు మంచి రెస్పాన్స్ వస్తోంది.

from Telugu Movie News | Movie News in Telugu | Movie Gossips in Telugu https://ift.tt/3stnhgp
v