అనసూయ భరద్వాజ్, అశ్విన్ విరాజ్ ప్రధాన పాత్రధారులుగా రూపొందుతోన్న చిత్రం ‘థ్యాంక్ యు బ్రదర్’. ఉత్కంఠభరిత అంశాలతో థ్రిల్లింగ్ డ్రామాగా ‘థ్యాంక్ యు బ్రదర్’ను నూతన దర్శకుడు రమేష్ రాపర్తి రూపొందిస్తున్నారు. జస్ట్ ఆర్డినరీ ఎంటర్టైన్మెంట్స్ పతాకంపై మాగుంట శరత్ చంద్రారెడ్డి, తారక్నాథ్ బొమ్మిరెడ్డి సంయుక్తంగా నిర్మిస్తున్నారు. ఇప్పటికే విడుదలైన ఈ సినిమా ప్రచార చిత్రాలు ఆకట్టుకున్నాయి. ఇప్పుడు ఈ సినిమా ట్రైలర్ను ప్రేక్షకుల ముందుకు తీసుకొచ్చారు. ‘థ్యాంక్ యు బ్రదర్’ ట్రైలర్ను విక్టరీ వెంకటేష్ గురువారం విడుదల చేశారు. ట్రైలర్ చాలా ఆసక్తికరంగా ఉంది. జీవితంపై అస్సలు బాధ్యతలేని ఒక ఆకతాయి గొప్పింటి కుర్రాడు, ఒక మధ్య తరగతి గర్భిణీకి మధ్య లిఫ్టులో జరిగిన అనుభవాలే ఈ సినిమా అని ట్రైలర్ చూస్తే అర్థమవుతోంది. ప్లేబాయ్ లాంటి అభి (అశ్విన్).. నిండు గర్భిణి అయిన ప్రియ(అనసూయ)తో లిఫ్ట్లో చిక్కుకుపోయినప్పుడు ఆమెకు పురుటి నొప్పులు వస్తుంటే ఆమెను ఎలా కాపాడాడు అనేదే సినిమా ఇతివృత్తం. ఉత్కంఠభరితమైన స్క్రీన్ప్లేతో డైరెక్టర్ రమేష్ రాపర్తి ఈ సినిమాను రూపొందించారు. కచ్చితంగా ప్రేక్షకులకు ఓ కొత్త అనుభవాన్ని ఇచ్చే విధంగా ఈ సినిమా రూపొందిందని ట్రైలర్ చూస్తే అర్థమవుతుంది. షూటింగ్ పూర్తిచేసుకున్న ‘థ్యాంక్ యు బద్రర్’ చిత్రానికి సంబంధించి ప్రస్తుతం పోస్ట్ ప్రొడక్షన్ పనులు జరుగుతున్నాయి. త్వరలో విడుదలకు సన్నాహాలు చేస్తున్నారు. ఈ చిత్రంలో ఇంకా వైవా హర్ష, అర్చనా అనంత్, అనీష్ కురువిల్లా, మౌనికా రెడ్డి, ఆదర్శ్ బాలకృష్ణ, కాదంబరి కిరణ్, అన్నపూర్ణ, బాబీ రాఘవేంద్ర, సమీర్ ముఖ్య పాత్రలు పోషించారు. గుణ బాలసుబ్రమణియన్ సంగీతం సమకూర్చగా.. సురేష్ రగుతు సినిమాటోగ్రఫీ అందించారు.
from Telugu Movie News | Movie News in Telugu | Movie Gossips in Telugu https://ift.tt/3afBvJe
v
No comments:
Post a Comment