మాస్ మహారాజా మళ్లీ ఫామ్లోకి వచ్చారు. చాలా కాలంగా పడిలేస్తున్న ఈ మాస్ హీరో.. ‘క్రాక్’ సినిమాతో మరోసారి రేస్లోకి వచ్చారు. ఈ ఒక్క సినిమాతో మళ్లీ రవితేజ మార్కెట్ అమాంతం పెరిగిపోయింది. ‘క్రాక్’ ఇచ్చిన ఎనర్జీతో ‘ఖిలాడి’ సినిమా చేస్తున్నారు మాస్ మహారాజా. రమేష్ వర్మ దర్శకత్వం వహిస్తోన్న ఈ సినిమా షూటింగ్ ప్రస్తుతం విశాఖపట్నంలో జరుగుతోంది. ఈ సినిమాలో రవితేజ సరసన బాలీవుడ్ యంగ్ బ్యూటీ మీనాక్షి చౌదరి, మరో తార డింపుల్ హయాతి నటిస్తున్నారు. ఇదిలా ఉంటే, తాజాగా ఇండస్ట్రీ వర్గాల నుంచి వస్తున్న సమాచారం ప్రకారం ‘ఖిలాడి’లో రవితేజ ఒక లిప్లాక్ సీన్లో నటించారట. అది కూడా బాలీవుడ్ యంగ్ బ్యూటీ మీనాక్షి చౌదరితో. ఈ సీన్ను ఇప్పటికే వైజాగ్లో చిత్రీకరించారని అంటున్నారు. నిజానికి ఈ సీన్ చేయడానికి రవితేజ అభ్యంతరం వ్యక్తం చేశారట. చాలా సిగ్గుపడ్డారట. కానీ, దర్శకుడు రమేష్ వర్మ చాలా కష్టపడి రవితేజను ఒప్పించారని అంటున్నారు. మొత్తానికి మీనాక్షితో లిప్లాక్కు అంగీకరించి కార్యక్రమం పూర్తిచేశారట రవితేజ. కాగా, మీనాక్షికి ‘ఖిలాడి’ రెండో సినిమా. ‘ఇచ్చట వాహనములు నిలుపరాదు’ సినిమా ఆమెకు మొదటిది. మోడలింగ్ నుంచి సినిమా రంగంలోకి అడుగుపెట్టిన మీనాక్షి సినిమా కెరీర్ టాలీవుడ్ నుంచే ప్రారంభమవుతోంది. అంతకు ముందు ఆమె హిందీ మ్యూజిక్ వీడియోల్లోనూ, ‘ఔట్ ఆఫ్ లవ్’ అనే వెబ్ సిరీస్లోను నటించింది. ఇప్పుడు టాలీవుడ్ ద్వారా ఆమె వెండితెరకు పరిచయమవుతోంది. ఇదిలా ఉంటే, దర్శకుడు రమేష్ వర్మ గతంలో రవితేజతో ‘వీర’ సినిమాను రూపొందించారు. 10 ఏళ్ల తరవాత మళ్లీ ఇప్పుడు రవితేజతో పనిచేస్తున్నారు. రమేష్ వర్మ గత చిత్రం ‘రాక్షసుడు’ బ్లాక్ బస్టర్ అయిన విషయం తెలిసిందే. ‘ఖిలాడి’ చిత్రానికి దేవిశ్రీ ప్రసాద్ సంగీతం సమకూరుస్తున్నారు. సుజీత్ వాసుదేవ్ సినిమాటోగ్రఫీ అందిస్తున్నారు. రామ్-లక్ష్మణ్ ఫైట్స్ కంపోజ్ చేస్తున్నారు. దేవిశ్రీ తమ్ముడు సాగర్ మాటలు రాస్తున్నారు. డాక్టర్ జయంతిలాల్ గడ ఫిలిం స్టూడియోస్ సమర్పణలో ఎ స్టూడియోస్ ఎల్ఎల్పి బ్యానర్పై సత్యనారాయణ కోనేరు ఈ చిత్రాన్ని నిర్మిస్తున్నారు.
from Telugu Movie News | Movie News in Telugu | Movie Gossips in Telugu https://ift.tt/2M77bZ6
v
No comments:
Post a Comment