బెల్లంకొండ సాయి శ్రీనివాస్ హీరోగా సంతోష్ శ్రీనివాస్ దర్శకత్వంలో రూపొందిన చిత్రం ‘అల్లుడు అదుర్స్’. నభా నటేష్, అను ఇమ్మానుయేల్ హీరోయిన్లు. దేవిశ్రీ ప్రసాద్ సంగీతం సమకూర్చిన ఈ చిత్రం సంక్రాంతి కానుకగా ఈనెల 14న విడుదలవుతోంది. ఇప్పటికే విడుదలైన పాటలు, ట్రైలర్ విశేషంగా ఆకట్టుకున్నాయి. అయితే, ఈ సినిమాకు ప్రత్యేక ఆకర్షణ అయిన ప్రత్యేక గీతాన్ని మంగళవారం విడుదల చేసింది చిత్ర యూనిట్. ‘అల్లుడు అదుర్స్’ సినిమాలో బిగ్ బాస్ ఫేమ్ స్పెషల్ సాంగ్ చేసిన విషయం తెలిసిందే. పాట చిత్రీకరణకు సంబంధించిన స్టిల్స్ను ఇప్పటికే చిత్ర యూనిట్ విడుదల చేసింది. ఈ పాటలో హీరో బెల్లంకొండ శ్రీనివాస్, విలన్ సోనూ సూద్తో కలిసి మోనాల్ ఆడిపాడింది. సినిమా విడుదలకు ఇంకా రెండు రోజులు ఉందనగా ఈ స్పెషల్ సాంగ్ను విడుదల చేశారు. లిరికల్ వీడియోను ప్రేక్షకుల ముందుకు తీసుకొచ్చారు. ఈ పాటలో మోనాల్ వేసిన సూపర్ స్టెప్పులను ఈ వీడియోలో చూపించారు. ఈ స్టెప్పులు చూస్తుంటే ఈ పాటలో మోనాల్ దుమ్ములేపిందని స్పష్టమవుతోంది. ‘‘రంభ ఊర్వశి మేనక’’ అంటూ సాగే ఈ హుషారైన పాటను శ్రీమణి రచించగా మంగ్లీ, హేమచంద్ర ఆలపించారు. ఐటమ్ సాంగ్స్కు పెట్టింది పేరైన దేవిశ్రీ ప్రసాద్ హుషారైన బీట్తో ఈ పాటకు మంచి ఊపు తీసుకొచ్చారు. ఆ బీట్కు తగ్గట్టు మోనాల్ స్టెప్పులు అదిరిపోయాయి. ఈ పాటకు శేఖర్ మాస్టర్ కొరియోగ్రఫీ అందించారు. ఈ చిత్రాన్ని సుమంత్ మూవీ ప్రొడక్షన్స్ బ్యానర్పై గొర్రెల సుబ్రమణ్యం నిర్మించారు.
from Telugu Movie News | Movie News in Telugu | Movie Gossips in Telugu https://ift.tt/3sleLQc
v
No comments:
Post a Comment