యంగ్ టైగర్ ఎన్టీఆర్తో మాటల మాంత్రికుడు త్రివిక్రమ్ సినిమా ప్రకటించిన తరవాత ఈ ప్రాజెక్ట్ ఎప్పుడు పట్టాలెక్కుతుందా అని అభిమానులు ఆసక్తిగా ఎదురుచూస్తున్నారు. ఈ సినిమా గురించి ఎప్పుడెప్పుడు ఏ అప్డేట్ వస్తుందా అని వేచి చూస్తున్నారు. కొత్త సంవత్సరం ఆరంభం సందర్భంగా ఎన్టీఆర్ను త్రివిక్రమ్ వెళ్లి కలిస్తే ఆ వార్త విపరీతంగా వైరల్ అయ్యింది. త్వరలోనే షూటింగ్ ప్రారంభం అవుతుందని చిత్ర నిర్మాణ సంస్థలు హారిక అండ్ హాసిని క్రియేషన్స్, యన్.టి.ఆర్. ఆర్ట్స్ వెల్లడించాయి. ‘అరవింద సమేత వీర రాఘవ’ సినిమా తరవాత ఎన్టీఆర్, త్రివిక్రమ్ కాంబినేషన్లో వస్తోన్న సినిమా కావడంతో దీనిపై అంచనాలు భారీగానే ఉన్నాయి. 30వ సినిమాగా రూపొందనున్న ఈ చిత్రానికి ‘అయిననూ పోయి రావలె హస్తినకు’ అనే టైటిల్ను పరిశీలిస్తున్నట్టు ఇప్పటికే వార్తలు వచ్చాయి. అయితే, టైటిల్ అది కాదని సమాచారం. పొలిటికల్ డ్రామాగా రూపొందనున్న ఈ చిత్రానికి ‘చౌడప్ప నాయుడు’ అనే టైటిల్ను ఖరారు చేసినట్టు ఇండస్ట్రీ వర్గాల టాక్. ఈ టైటిల్ను ఇటీవలే ఫిలిం ఛాంబర్లో రిజిస్టర్ కూడా చేయించారట. ఈ చిత్రంలో మూడు భాషలకు చెందిన ముగ్గురు సీనియర్ హీరోలు కీలక పాత్రలు పోషిస్తున్నారని ఇప్పటికే వదంతులు వచ్చాయి. బాలీవుడ్ నటుడు సంజయ్ దత్, కన్నడ స్టార్ ఉపేంద్ర, మలయాళ సీనియర్ నటుడు జయరాంలను త్రివిక్రమ్ ఈ ప్రాజెక్ట్లోకి తీసుకువస్తున్నారని అంటున్నారు. అంతేకాదు, ఒక హీరోయిన్గా శ్రీదేవి కుమార్తె జాన్వీ కపూర్ను కూడా సంప్రదిస్తున్నారని టాక్. ఈ వదంతుల్లో నిజమెంతో తెలీదు కానీ వినడానికి మాత్రం చాలా బాగున్నాయి. చూద్దాం వీటిలో ఎన్ని రూమర్లు నిజమవుతాయో! See Photos: కాగా, ప్రస్తుతం ఎన్టీఆర్ షూటింగ్తో బిజీగా ఉన్నారు. దర్శకధీరుడు ఎస్.ఎస్.రాజమౌళి ప్రతిష్టాత్మకంగా తెరకెక్కిస్తోన్న ఈ చిత్రంలో మెగా పవర్స్టార్ రామ్ చరణ్ మరో హీరో. ఆలియా భట్, ఒలీవియా మోరిస్ హీరోయిన్లు. సముద్రఖని, అలిసన్ డూడీ, రే స్టీవెన్సన్ కీలక పాత్రలు పోషిస్తున్నారు. ఈ సినిమా షూటింగ్ ఈ ఏడాది మధ్యలో పూర్తవుతుందని అంటున్నారు. ఈ ఏడాది చివరిలో కానీ, వచ్చే ఏడాది కానీ విడుదల ఉంటుంది.
from Telugu Movie News | Movie News in Telugu | Movie Gossips in Telugu https://ift.tt/35sgGJ5
v
No comments:
Post a Comment