సీక్రెట్స్ అన్నీ లీక్ చేసి చాలాసార్లు ఇబ్బంది పెట్టింది.. రాధికపై వరలక్ష్మి శరత్ కుమార్ కామెంట్స్

తమిళ సీనియర్ హీరో శరత్ కుమార్ కూతురు, హీరోయిన్ నిత్యం ఏదో ఒక రూపంలో వార్తల్లో నిలుస్తుండటం చూస్తూనే ఉన్నాం. విషయం ఏదైనా సరే డేరింగ్‌గా బయటపెట్టేసి సంచలనం సృష్టించండం వరలక్ష్మి నైజం. శరత్ కుమార్ కూతురుగా సినీ గడపతొక్కిన ఈమెకు కెరీర్ పరంగా ఎన్నో ఆటుపోట్లు ఎదురయ్యాయి. చివరకు తన టాలెంట్‌తో అన్ని సౌత్ ఇండియన్ భాషల్లో సత్తా చాటుతున్న ఈమె.. ఇటీవలే విడుదలైన రవితేజ 'క్రాక్' సినిమాలో జయమ్మ పాత్ర పోషించి తెలుగు ప్రేక్షకులను ఆకట్టుకుంది. ఈ నేపథ్యంలో 'క్రాక్' మూవీ సక్సెస్ మీట్ కోసం హైదరాబాద్ వచ్చిన వరలక్ష్మీ శరత్ కుమార్‌ను పలు మీడియా ఛానెల్స్ ఇంటర్వ్యూ చేశాయి. ఈ ఇంటర్వ్యూల్లో తన వ్యక్తిగత విషయాలతో పాటు, కుటుంబానికి సంబంధించిన విషయాలు, అలాగే కెరీర్ పరమైన ఎన్నో విషయాలను వరలక్ష్మి శరత్ కుమార్ బయట పెట్టింది. ఇందులో భాగంగా తన సవతి తల్లి రాధికపై ఆమె చేసిన కామెంట్స్ వైరల్ అవుతున్నాయి. శరత్ కుమార్ మొదటి భార్య కూతురు వరలక్ష్మీ. 2001 సంవత్సరంలో సినీ నటి రాధికను ఆయన రెండో వివాహం చేసుకున్నారు. ఈ క్రమంలో రాధికపై వరలక్ష్మి శరత్ కుమార్ చేసిన కామెంట్స్ జనాల్లో హాట్ టాపిక్ అయ్యాయి. ఇంటర్వ్యూలో భాగంగా వరలక్ష్మి స్పందిస్తూ.. ''రాధికా ఆంటీ చాలా మంచి వ్యక్తి. మేమిద్దరం ఎప్పుడూ సరదాగా క్లోజ్ గానే ఉంటాం కానీ.. నేనెప్పుడైనా ఏదైనా సీక్రెట్ ఆమెకు చెప్పానంటే దాన్ని వెంటనే లీక్ చేసేస్తుంది. ఆ రకంగా నన్ను చాలాసార్లు ఇబ్బంది పెట్టింది. అయితే అది కావాలని మాత్రం చేయదు. ఏదో పొరపాటున జరిగిపోతుంది'' అని తెలిపింది. గతంలో కూడా విషయమై ఎన్నోసార్లు రియాక్ట్ అయిన రాధిక శరత్ కుమార్.. తన తండ్రి రాధికను పెళ్లిచేసుకున్నా, ఆమె తనకు ఎప్పటికీ అమ్మ కాలేదని చెప్పింది. ఎవరికైనా అమ్మ ఒక్కరే ఉంటారిని, కాబట్టి మా నాన్న రెండో పెళ్లి చేసుకున్న రాధికను నేను ఆంటీ అని మాత్రమే సంబోధిస్తానని ఆమె క్లారిటీ ఇచ్చింది.

from Telugu Movie News | Movie News in Telugu | Movie Gossips in Telugu https://ift.tt/3o7mZZ4
v