క్లైమాక్స్‌‌కు చేరుకున్న ‘సీటీమార్’.. సెట్‌లో సందడిగా న్యూ ఇయర్ సెలబ్రేషన్స్

ఎగ్రెసివ్ స్టార్ గోపీచంద్, మాస్ డైరెక్టర్ సంప‌త్ నంది కాంబినేష‌న్‌లో క‌బ‌డ్డీ నేప‌థ్యంలో తెర‌కెక్కుతోన్న స్పోర్ట్స్ యాక్షన్ మూవీ ‘సీటీమార్‌’. ఈ సినిమాలో ఆంధ్ర ఫీమేల్ క‌బ‌డ్డీ టీమ్ కోచ్‌గా గోపీచంద్, తెలంగాణ ఫీమేల్ క‌బ‌డ్డీ టీమ్ కోచ్‌గా మిల్కీ బ్యూటీ ‌త‌మ‌న్నా న‌టిస్తున్నారు. ఇప్పటికే ఈ సినిమా నుండి విడుద‌ల‌చేసిన గోపీచంద్, త‌మ‌న్నా లుక్స్‌కి మంచి రెస్పాన్స్ వ‌చ్చింది. కాగా ఈరోజు న్యూ ఇయ‌ర్ విషెస్‌తో స్పెష‌ల్ పోస్టర్‌ని విడుద‌ల చేసి అభిమానుల ఆనందాన్ని రెట్టింపు చేసింది చిత్ర యూనిట్‌. ప్రస్తుతం చేవెళ్లలో వేసిన భారీ సెట్లో ఫైట్ మాస్టర్ వెంక‌ట్ సార‌థ్యంలో డైరెక్టర్ సంప‌త్ నంది భారీ ఎత్తున యాక్షన్ ఎపిసోడ్స్‌ని తెర‌కెక్కిస్తున్నారు. ఈ సెట్లోనే కేక్ క‌ట్ చేసి న్యూ ఇయ‌ర్‌ని సెల‌బ్రేట్ చేసుకున్నారు. ఈ సెలబ్రేషన్స్‌లో హీరో గోపీచంద్, హీరోయిన్ తమన్నా, దర్శకుడు సంపత్ నంది, నిర్మాత శ్రీనివాస, ఇతర యూనిట్ సభ్యులు పాల్గొన్నారు. ఈ నెల 30 వ‌ర‌కు జ‌రిగే ఈ షెడ్యూల్‌తో ఒక పాట మిన‌హా చిత్రీక‌ర‌ణ పూర్తవుతుంది. పవన్‌ కుమార్ స‌మ‌ర్పణ‌లో శ్రీనివాసా సిల్వర్‌ స్క్రీన్‌ పతాకంపై శ్రీనివాసా చిట్టూరి ఈ చిత్రాన్ని నిర్మిస్తున్నారు. మ‌ణిశ‌ర్మ సంగీతం సమకూరుస్తున్న ఈ మూవీలో ప‌ల్లెటూరి అమ్మాయిగా ఒక ప్రత్యేక పాత్రలో హీరోయిన్ దిగంగ‌న సూర్యవంశీ న‌టిస్తుండ‌గా భూమిక కీల‌క పాత్ర పోషిస్తున్నారు. ముఖ్యమైన పాత్రల్లో పోసాని కృష్ణముర‌ళి, రావు ర‌మేష్‌‌, రెహ‌మాన్, బాలీవుడ్ యాక్టర్ త‌రుణ్ అరోరా న‌టిస్తున్నారు.

from Telugu Movie News | Movie News in Telugu | Movie Gossips in Telugu https://ift.tt/384kxOb
v