బ్లాక్ బస్టర్ మూవీ ‘ఇస్మార్ట్ శంకర్’ తర్వాత ఎనర్జిటిక్ స్టార్ హీరోగా నటించిన చిత్రం ‘రెడ్’. ఈ సినిమాను ఈ నెల 14న సంక్రాంతి కానుకగా ప్రేక్షకుల ముందుకు తీసుకువస్తున్నారు. మాళవికా శర్మ, నివేదా పేతురాజ్, అమృతా అయ్యర్ ఈ సినిమాలో కథానాయికలు. తిరుమల కిషోర్ దర్శకత్వం వహించారు. శ్రీ స్రవంతి మూవీస్ పతాకంపై ‘స్రవంతి’ రవికిషోర్ ఈ చిత్రాన్ని నిర్మించారు. కాగా, ఈ చిత్రాన్ని తెలుగు సహా మొత్తం ఏడు భాషల్లో విడుదల చేస్తున్నట్టు చిత్ర నిర్మాత రవికిషోర్ ప్రకటించారు. “ఈ చిత్రాన్ని ఏడు భాషల్లో అనువదించాం. కన్నడం, మలయాళం, బెంగాలీ, భోజ్పురి, మరాఠి, తమిళంతో పాటు హిందీలోకి కూడా డబ్ చేశాం. కన్నడ వెర్షన్ ఈ నెల 14నే విడుదల కానుంది. మిగిలిన వెర్షన్లను ఈ నెలాఖరున రిలీజ్ చేసే ప్లాన్లో ఉన్నాం. తమిళ వెర్షన్ని మాత్రం డైరెక్ట్గా ఓటిటిలో విడుదల చేస్తున్నాం. రామ్కి ఇతర భాషల్లో పెరిగిన మార్కెట్ రీత్యా ఇలా డబ్ చేసి రిలీజ్ చేస్తున్నాం. కచ్చితంగా ఈ సినిమా అన్ని భాషల ప్రేక్షకులనీ ఆకట్టుకుంటుంది. అలాగే తెలుగు వెర్షన్ను గ్రేట్ ఇండియా ఫిలింస్ ద్వారా ఓవర్సీస్లో కూడా విడుదల చేస్తున్నాం. అమెరికాతో పాటు ఆస్ట్రేలియా, సింగపూర్, దుబాయిలలో రిలీజ్ చేస్తున్నాం. వసూళ్ల కోణంలో కాకుండా ప్రేక్షకులకు థియేట్రికల్ ఎక్స్పీరియన్స్ ఇవ్వాలనే ఉద్దేశంతోనే ఆయా ఏరియాల పరిస్థితుల్ని బట్టి కొన్ని కొన్ని చోట్ల విడుదల చేస్తున్నాం. ఇంకొన్ని థియేటర్లు పెంచమని అడుగుతున్నారు. ఏది ఏమైనా ‘రెడ్’ చిత్రం ఈ సంక్రాంతికి మంచి అనుభూతిని అందిస్తుంది” అని నిర్మాత రవికిషోర్ తెలిపారు. చిత్ర సమర్పకులు కృష్ణ పోతినేని మాట్లాడుతూ.. “రామ్ ద్విపాత్రాభినయం చేసిన తొలి చిత్రం ఇది. ఇటీవల విడుదల చేసిన టీజర్, థియేట్రికల్ ట్రైలర్, పాటలకు అద్భుతమైన స్పందన లభిస్తోంది” అని అన్నారు. కాగా, ఈ చిత్రానికి మణిశర్మ సంగీతం సమకూర్చారు. సమీర్ రెడ్డి ఛాయాగ్రహణం అందించారు. పీటర్ హెయిన్ ఫైట్స్ కంపోజ్ చేశారు. జునైద్ ఎడిటర్.
from Telugu Movie News | Movie News in Telugu | Movie Gossips in Telugu https://ift.tt/38mFLHl
v
No comments:
Post a Comment