అందరూ తిట్టారు.. అందుకే 14నే ‘అల్లుడు అదుర్స్’: బెల్లంకొండ సురేష్

బెల్లంకొండ సాయి శ్రీనివాస్ హీరోగా సంతోష్ శ్రీనివాస్ దర్శకత్వంలో రూపొందిన ‘అల్లుడు అదుర్స్’ సినిమాను సంక్రాంతి కానుకగా జనవరి 15న విడుదల చేస్తున్నట్టు చిత్ర నిర్మాతలు మొదట ప్రకటించారు. అయితే, ఇప్పుడు వారు మనసు మార్చుకున్నారు. 15న కాకుండా ఒక్కరోజు ముందుగానే 14న విడుదల చేస్తున్నారు. అలా ఎందుకు విడుదల చేస్తున్నారో హీరో శ్రీనివాస్ తండ్రి బెల్లంకొండ సురేష్ వెల్లడించారు. ‘అల్లుడు అదుర్స్’ ప్రీ రిలీజ్ ఈవెంట్ ఆదివారం హైదరాబాద్‌లో జరిగింది. ఈ వేడుకలో బెల్లంకొండ సురేష్ మాట్లాడుతూ.. ‘‘జనవరి 15న అని నేను ప్రకటించగానే బయ్యర్లు, ఎగ్జిబిటర్లు, ఫ్యామిలీ ఫ్రెండ్స్ అందరూ తిట్టారు. జనవరి 14న పండగ అయితే మీరు 15న రిలీజ్ చేస్తున్నారు ఏంటండి అని అడిగారు. నేను 15న పండగ అనుకున్నాను. అందుకే, 14నే పండగ పూట అందరూ కుటుంబ సమేతంగా ఆహ్లాదంగా ఈ సినిమా చూడొచ్చు’’ అని వెల్లడించారు. కాగా, జనవరి 14న రామ్ ‘రెడ్’ మూవీ కూడా విడుదలవుతోంది. ఈ రెండు సినిమాలు ఒకే రోజు విడుదలవుతుండటంతో కలెక్షన్లపై ప్రభావం పడే అవకాశం ఉంది. ఎందుకంటే, ఒక్కో సినిమాకు థియేటర్ల సంఖ్య తగ్గుతుంది కాబట్టి. ఇదిలా ఉంటే, ‘అల్లుడు అదుర్స్’లో శ్రీనివాస్ సరసన నభా నటేష్, అను ఇమ్మానుయేల్ హీరోయిన్లుగా నటించారు. మోనాల్ గజ్జర్ ఒక స్పెషల్ సాంగ్ చేశారు. రమేష్ కుమార్ గంజి సమర్పణలో సుమంత్ మూవీ ప్రొడక్షన్స్ పతాకంపై గొర్రెల సుబ్రమణ్యం ఈ చిత్రాన్ని నిర్మించారు. దేవిశ్రీ ప్రసాద్ సంగీతం సమకూర్చారు.

from Telugu Movie News | Movie News in Telugu | Movie Gossips in Telugu https://ift.tt/3bsiyp8
v