సూపర్ స్టార్ రజినీకాంత్ పొలిటికల్ ఎంట్రీ ఇస్తున్నట్టు గత కొన్నేళ్లుగా వార్తలు వస్తున్నా.. ఈ సారి రావడం మాత్రం పక్కా అని ఆయనే స్వయంగా చెప్పడంతో తమిళనాట చర్చలు మొదలయ్యాయి. డిసెంబర్ 31వ తేదీన తన రాజకీయ పార్టీ పేరును అధికారికంగా ప్రకటిస్తానని రజినీకాంత్ మీడియా ముఖంగా చెప్పారు. దీంతో సినీ, రాజకీయ వర్గాల్లో రజినీ పొలిటికల్ ఎంట్రీ గురించిన చర్చ ముదిరింది. ఈ నేపథ్యంలో నటుడు పరోక్షంగా రజినీకాంత్పై సత్యరాజ్ సెటైర్స్ వేయడం హాట్ ఇష్యూగా మారింది. ఎక్కడా రజినీకాంత్ పేరు వాడకుండానే ఆయనపై పరోక్ష విమర్శలు గుప్పించారు సత్యరాజ్ (కట్టప్ప). ఆధ్యాత్మిక రాజకీయాలకు తాను తెర తీస్తానని ప్రకటించిన నేపథ్యంలో అదే అంశంపై సత్యరాజ్ సెటైర్స్ వేశారు. రాజకీయాలు చేయాలంటే వేరే విషయాలు ఆలోచించకూడదు, జీవితాన్ని త్యాగం చేసి నమ్మిన సిద్దాంతంతో ఎలాంటి ప్రతిఫలం ఆశించకుండా పని చేయాలి.. అంతేగానీ ప్లాన్ వేసుకొని, లెక్కలు చేసి రాజకీయాలు చేస్తారా? అంటూ సంచలన వ్యాఖ్యలు చేశారు. Also Read: ప్లాన్ చేసి ముహూర్తాలు పెట్టుకొని, లెక్కలు వేసుకుని వస్తే దాన్ని వ్యాపారం అంటారు కానీ రాజకీయం అనరని గుర్తుపెట్టుకోండి అంటూ ఓ రేంజ్లో ఫైర్ అయ్యారు సత్యరాజ్. ప్రజలకు సేవ చేయాలంటే రాజకీయాల్లోకి వెంటనే రావాలి కానీ.. వ్యాపారంలో లాగా లెక్కలు వేసుకొని దిగొద్దంటూ ముందునుండే రజినీకాంత్ రాజకీయ రంగ ప్రవేశంపై తన అసంతృప్తిని ఇన్డైరెక్ట్గా వ్యక్తం చేస్తూనే వస్తున్న సత్యరాజ్.. తాజాగా చేసిన ఈ వ్యాఖ్యలు తీవ్ర దుమారం రేపుతున్నాయి.
from Telugu Movie News | Movie News in Telugu | Movie Gossips in Telugu https://ift.tt/3ggDM9K
v
No comments:
Post a Comment