గత కొన్ని రోజులుగా హైదరాబాద్ లోని రామోజీ ఫిలింసిటీలో తన లేటెస్ట్ మూవీ 'అన్నాత్తే' సినిమా షూటింగ్లో పాల్గొంటున్న సూపర్ స్టార్ ఉన్నట్టుండి ఒక్కసారిగా అస్వస్థకు గురికావడంతో యావత్ సినీ లోకం షాక్ అయింది. వెంటనే ఆయనను జూబ్లీహిల్స్లోని అపోలో హాస్పిటల్లో చేర్పించారు. దీంతో రజినీ ఫ్యాన్స్ ఆందోళన చెందారు. అయితే రజినీని టెస్ట్ చేసిన అనంతరం ఆయనకు హైబీపీ తప్ప ఇతర ఆరోగ్య సమస్యలేవి లేవని హాస్పిటల్ ప్రెస్నోట్ విడుదల చేయడంతో అంతా ఊపిరి పీల్చుకున్నారు. ఈ నేపథ్యంలో తాజాగా రజినీ ఆరోగ్యంపై స్పందిస్తూ ఆయన త్వరగా కోలుకోవాలని కోరుకున్నారు జనసేన అధినేత, పవర్ స్టార్ . ''ప్రముఖ కథానాయకులు శ్రీ రజినీకాంత్ గారు అస్వస్థతతో హైదరాబాద్ లోని ఆసుపత్రిలో చేరినట్లు తెలిసి బాధపడ్డాను. కరోనా లక్షణాలు లేవని వైద్యులు ప్రకటించడం ఊరటనిచ్చింది. మనోధైర్యం మెండుగా ఉన్న శ్రీ రజినీకాంత్ గారు త్వరగా కోలుకోవాలని ఆకాంక్షిస్తున్నాను. ఆధ్యాత్మికపరులైన ఆయనకు భగవదనుగ్రహం కలగాలి. ఆయన ఎంతగానో విశ్వసించే మాహావతార్ బాలాజీ ఆశీస్సులతో సంపూర్ణ ఆరోగ్యంతో మన ముందుకు రావాలని కోరుకుంటున్నాను'' అని పేర్కొంటూ జనసేన తరఫున నోట్ రాశారు పవన్ కళ్యాణ్. రజినీకాంత్ తమిళనాట కొత్త రాజకీయ పార్టీ ప్రకటించనున్న సమయంలో ఆయన అనారోగ్యం పాలవడం ఫ్యాన్స్ని మరింత కంగారులో పడేసింది. రజినీ అనారోగ్యం పాలయ్యారని తెలియగానే ఆయన అభిమానులు పెద్ద ఎత్తున అపోలో ఆసుపత్రి వద్దకు చేరుకున్నారు. కాగా డిసెంబర్ 22వ తేదీన ఆయన నటిస్తున్న 'అన్నాత్తే' సెట్స్ లో ఉన్న కొందరికి కరోనా పాజిటివ్ అని నిర్ధారణ కావడంతో ఒకింత కంగారుపడ్డ అభిమానులు.. రజినీకి కరోనా సోకలేదని తెలిసి కాస్త కుదుటపడ్డారు. డిసెంబర్ 22 నుంచి రజినీకాంత్ ఐసొలేషన్ లోనే ఉన్నారు. నాలుగు వారాలపాటు చిత్రీకరణ వాయిదా వేస్తూ 'అన్నాత్తే' నిర్మాణ సంస్థ సన్ పిక్చర్స్ నిర్ణయం తీసుకుంది. షెడ్యూల్ ప్రకారం డిసెంబర్ 29 వరకు జరగాల్సిన ఈ మూవీ షూటింగ్ వాయిదా పడింది.
from Telugu Movie News | Movie News in Telugu | Movie Gossips in Telugu https://ift.tt/3rvkJxu
v
No comments:
Post a Comment