సూపర్స్టార్ నేడు తన 70వ పుట్టినరోజు జరుపుకుంటున్నారు. 1950 సంవత్సరం డిసెంబర్ 12న మహారాష్ట్రలో జన్మించిన ఆయన.. ఓ బస్ కండక్టర్గా కెరీర్ ఆరంభించి సూపర్ స్టార్గా ఎదిగిన క్రమం ఎందరికో స్ఫూర్తి. కేవలం తన స్టైల్, నటనా ప్రతిభతో దేశవ్యాప్తంగా అశేష అభిమాన వర్గాన్ని కూడగట్టుకున్నారు రజినీ. ఇక సినీ ఇండస్ట్రీలో పెద్దా, చిన్నా అనే తేడా చూపకుండా ప్రతి ఒక్కరితో కలుపుగోలుగా ఉండటం ఆయన మ్యానరిజం. ఈ నేపథ్యంలోనే రజినీకాంత్ 70వ పుట్టినరోజు సందర్భంగా మెగాస్టార్ సహా పలువురు సినీ ప్రముఖులు ఆయనకు పెద్దఎత్తున శుభాకాంక్షలు తెలుపుతున్నారు. ఇటీవలే రజినీకాంత్ తన పొలిటికల్ ఎంట్రీపై క్లారిటీ ఇచ్చిన సంగతి తెలిసిందే. ఈ క్రమంలో ఇదే విషయాన్ని ప్రస్తావిస్తూ రజనీకి చిరంజీవి స్పెషల్ విషెస్ చెప్పారు. ''ప్రాణ స్నేహితుడు రజనీకాంత్కి 70వ పుట్టినరోజు శుభాకాంక్షలు. మీరు మున్ముందు మరిన్ని విజయాలు సొంతం చేసుకోవాలని ఆశిస్తున్నా. మీ జీవితం మరింత గొప్పగా మారాలని, రాజకీయాల్లో మీరు విజయం సాధించాలని కోరుకుంటున్నా. సినిమాల్లో మీకే సొంతమైన ప్రత్యేక స్టైల్తో కోట్లాదిమంది అభిమానులను సంపాదించుకున్నారు. రాజకీయాల్లో కూడా ప్రత్యేకమైన కోణంలో ప్రజలందరికీ సేవ చేస్తారని నమ్ముతున్నా. ఆ దేవుడి ఆశీర్వాదాలు మీపై ఉంటాయి'' అని పేర్కొన్నారు చిరంజీవి. Also Read: రజినీ సక్సెస్ కోరుకుంటూ మెగాస్టార్ చేసిన ఈ ట్వీట్ చూసి లక్షలాది మంది ఫ్యాన్స్ రజినీకాంత్ రాజకీయ ప్రయాణం విజయవంతం కావాలని కోరుకుంటూ కామెంట్స్ పెడుతున్నారు. డిసెంబర్ 31వ తేదీన తన రాజకీయ పార్టీ పేరును అధికారికంగా ప్రకటిస్తానని రజినీకాంత్ మీడియా ముఖంగా ప్రకటించడంతో సినీ, రాజకీయ వర్గాల్లో ఇందుకు సంబంధించిన చర్చలు ముదిరాయి. మరోవైపు తలైవా పార్టీ పేరు, చిహ్నం, జెండా తదితర విషయాలపై వార్తలు ఊపందుకున్నాయి.
from Telugu Movie News | Movie News in Telugu | Movie Gossips in Telugu https://ift.tt/3mcCJZU
v
No comments:
Post a Comment