దిల్ రాజు మాస్టర్ ప్లాన్.. బాలయ్య-అనిల్ కాంబోలో పవర్‌ఫుల్ సబ్జెక్ట్

నందమూరి అభిమానులు చాలాకాలంగా ఎదురుచూస్తున్న బాలకృష్ణ - ప్రాజెక్ట్ ఫిక్స్ అయినట్లు తెలుస్తోంది. వీరిద్దరి కాంబినేషన్ సెట్ చేసేందుకు దిల్ రాజు చేసిన ప్రయత్నాలు సఫలమైనట్లు టాలీవుడ్ టాక్. ఇటీవలే ‘ఎఫ్3’ ప్రాజెక్టు మొదలుపెట్టిన అనిల్.. బాలయ్య సినిమా కోసం ఆ షూటింగ్‌ను శరవేగంగా పూర్తి చేయనున్నాడట. ప్రస్తుతం వెంకటేష్‌పై సన్నివేశాలు చిత్రీకరిస్తుండగా, వచ్చేవారంలో వరుణ్ తేజ్‌ యూనిట్‌తో జత కలవనున్నాడు. బోయపాటితో సినిమా తర్వాత బాలయ్య ఎవరితో సినిమా చేస్తాడన్నది సస్పెన్స్‌గా మారింది. ఇప్పటికే ఇద్దరు దర్శకులు ఆయనకు కథ వినిపించి ఒకే చేయించుకున్నారని, దీంతో పాటు సీనియర్ దర్శకుడు బి.గోపాల్‌తోనూ సినిమా చేసేందుకు బాలయ్య సిద్ధంగా ఉన్నారని ఇండస్ట్రీలో ప్రచారం జరుగుతోంది. అయితే అవన్నీ ఊహాగానాలేనని, అనిల్‌ రావిపూడితో ఆయన సినిమా కన్ఫార్మ్ అయిపోయినట్లేనని తాజాగా వినిపిస్తోంది. ఎంత సీరియస్ సబ్జెక్ట్ అయినా దానికి ఎంటర్‌టైన్‌మెంట్ జోడించడం అనిల్ రావిపూడి స్టైల్. అనిల్ చెప్పిన కథ బాలయ్యకు నచ్చడంతో వెంటనే ఓకే చెప్పేశారని, నెక్ట్స్ ప్రాజెక్టుగా అదే చేద్దామన్నారని ఫిల్మ్‌నగర్‌లో టాక్ వినిపిస్తోంది. టాలీవుడ్‌లో దాదాపు అందరు హీరోలతో సినిమాలు చేసిన దిల్‌రాజు ఎప్పట్నుంచో బాలయ్యతో సినిమా చేయాలని అనుకుంటున్నాడు. తాజా కాంబినేషన్‌‌తో ఆ లోటు తీరిపోనుంది. అయితే ఇటీవల దిల్ రాజు తన 50వ బర్త్‌డే పార్టీకి బాలకృష్ణను ఆహ్వానించలేదని, అందుకే కళ్యాణ్‌రామ్, ఎన్టీఆర్ కూడా పార్టీకి రాలేదని ప్రచారం జరిగిన సంగతి తెలిసిందే.

from Telugu Movie News | Movie News in Telugu | Movie Gossips in Telugu https://ift.tt/3mITxI5
v