గువ్వ గోరింక: సైలెంట్‌గా సినిమా ఫినిష్ చేసిన సత్యదేవ్.. ఈనెలలో విడుదల

టాలెంటెడ్ హీరో ఈ లాక్‌డౌన్ సమయంలో వరుస సినిమాలతో ప్రేక్షకులను అలరించారు. ఓటీటీ హీరోగా మారిపోయారు. ఇప్పుడు మరో సినిమాతో ప్రేక్షకుల ముందుకు వచ్చేస్తున్నారు. సైలెంట్‌గా సినిమా ఫినిష్ చేసేసి విడుదల చేసేస్తున్నారు. సత్యదేవ్, ప్రియాలాల్, ప్రియదర్శి ప్రధాన పాత్రధారులుగా.. రామ్ గోపాల్ వర్మ దగ్గర ‘సర్కార్’ నుండి ‘రక్తచరిత్ర’ వరకు అసోసియేట్ డైరెక్టర్‌గా పనిచేసిన మోహన్ బమ్మిడి దర్శకత్వం వహించిన చిత్రం ‘గువ్వ గోరింక’. జీవన్, దాము సంయుక్తంగా నిర్మించారు. ఈ సినిమా ఈనెల 17న అమెజాన్ ప్రైమ్ వీడియోలో విడుదలవుతోంది. ఈ సందర్భంగా చిత్ర దర్శకుడు మోహన్ బమ్మిడి మాట్లాడుతూ.. ‘‘నా వరకు మానవ సంబంధాలు అనేవి ఈ భూమి మీద అత్యంత ఆసక్తికరమైన అంశం. సినిమా అంటేనే డ్రైవ్ ఆఫ్ హ్యూమన్ ఎమోషన్స్. మనుషుల భావోద్వేగాల నుంచే మానవ సంబంధాలు పుడతాయి. అదేవిధంగా తక్కువ బడ్జెట్లో తియ్యగలిగే అందరికి టచ్ అయ్యే సబ్జెక్టు ఈ గువ్వ గోరింక. ఇప్పుడున్న లైఫ్ స్టైల్ బేస్ చేసుకొని మూడు రకాల సంబంధాల గురించి చెప్పాలనుకున్నాను. ఫిజికల్‌గా దూరంగా ఉన్నా మనసులు, మనస్తత్వాల్లో దగ్గరగా ఉన్న ఒక జంట మెయిన్ ప్లాట్‌గా.. ఫిజికల్‌గా దగ్గరగా ఉన్న వారి మధ్య చాలా దూరం ఉన్న మరో జంట.. అసలు ఈ రిలేషన్‌షిప్స్ అన్నీ సెక్స్ కోసమే అనుకున్న మరో కుర్రాడు సబ్‌ప్లాట్స్‌గా ఉంటాయి. ఈ మూడురకాల రిలేషన్‌షిప్స్ ప్రాథమికంగా ఒకే విషయాన్ని చెప్తాయి. అదేమిటంటే ఇక్కడున్న రిలేషన్‌షిప్‌కి కారణం ప్రేమ అనుకుంటే అసలు మనం అనుకునే ప్రేమ నిజమైన ప్రేమేనా? అసలు ప్రేమంటే ఒకర్ని మరొకరు ఇష్టపడడమా.. ఇంప్రెస్ చేసుకోవడమా.. ఫిజికల్‌గా కలవడమా.. లేకపోతే ఒకర్నొకరు అర్థం చేసుకుంటూ ఒకరి బలహీనతలకు మరొకరు బలమై లైఫ్‌ని ఫుల్‌ఫిల్ చేసుకోవడమా.. ఎదైతే బెటర్ అని చెప్పడం కంటే కూడా ఆయా రిలేషన్‌షిప్‌లో వున్న కోణాల్ని చెప్పాలనుకున్నాను. హ్యూమన్ రిలేషన్‌షిప్ మీద ఆసక్తి, అవగాహనికి కారణం మా అన్నయ్య బమ్మిడి జగదీశ్వరరావు కథలతో పాటు రావిశాస్త్రి, పతంజలి, బుచ్చిబాబు, గోపిచంద్, మహశ్వేతాదేవి, శరత్ చంద్ర కథలు ఇరానియన్ మూవీస్ చాలా ఇన్ఫ్లుయెన్స్ చేసాయి. నా గురువుగారు రామ్ గోపాల్ వర్మ దగ్గర సర్కార్ నుండి రక్తచరిత్ర వరకు నా ప్రయాణంలో చాలా విషయాలు నేర్చుకున్నాను. అందులో ముఖ్యంగా కథ, దానిలో వున్న కోణాలే కాకుండా ఎటువంటి కథనయినా సినిమాగా ఎలా మలచొచ్చు, తక్కువ బడ్జెట్లో ఎలా తియ్యొచ్చో తెలుసుకున్నాను. ఈ సినిమా కాస్టింగ్ విషయానికి వస్తే.. సత్యదేవ్ చాలా మంచి నటుడు. అయితే నేను తెలుసుకున్నదేంటంటే నేను అసోసియేట్‌గా పనిచేసిన యాక్టర్స్ అమితాబచ్చన్, అజయ్ దేవగన్, సూర్య, వివేక్ ఒబెరోయ్‌లకు షూట్లో తమకంటూ స్పాంటేనిటీ వుంటుంది. అది ఆ క్యారక్టర్‌కి రియలిస్టిక్ నేచర్‌ని తీసుకొస్తుంది. ఆ కోవకి చెందిన ఆర్టిస్ట్ సత్యదేవ్. ఇక ప్రియాలాల్ చాలా కష్టపడుతుంది. ముఖ్యంగా ఈ అమ్మాయిని తీసుకోవడానికి కారణం గర్ల్ నెక్స్ట్ డోర్‌లా వుంటుంది. ఇది సినిమాకి చాలా అవసరం. నేను ఇప్పటి వరకు చూసిన మంచి నటుల్లో ప్రియదర్శి ఒకరు. చైతన్య, మధుమిత ఇద్దరు లివ్ ఇన్‌లో వున్న జంటగా క్యారెక్టర్స్‌‌‌లో ఒదిగిపోయారు’’ అని అన్నారు.

from Telugu Movie News | Movie News in Telugu | Movie Gossips in Telugu https://ift.tt/2JG4KMk
v