కోటి ఫాలోవర్స్‌తో కొత్త రికార్డు.. విజయ్ దేవరకొండా మజాకా!

సౌత్ ఇండియన్ సెన్సేషనల్ స్టార్ మరో మైలు రాయిని అందుకున్నారు. ఇన్‌స్టా‌గ్రామ్‌లో ఏకంగా కోటి మంది ఫాలోవర్స్‌ను దక్కించుకొని రికార్డు సృష్టించారు. సౌత్ ఇండియన్ హీరోల్లో కోటి మంది ఫాలోవర్స్ ఉన్న నటుడు విజయ్ ఒక్కరే కావడం విశేషం. ఈ అరుదైన రికార్డును ఫ్యాన్స్ గ్రాండ్‌గా సెలబ్రేట్ చేసుకుంటున్నారు. ‘‘#1CroreRowdiesOnInsta’’ అనే ట్యాగ్‌తో వరల్డ్ వైడ్‌గా సోషల్ మీడియాలో ట్రెండింగ్ చేస్తున్నారు. విజయ్ దేవరకొండకు యూత్‌లో ఉన్న క్రేజ్ గురించి ప్రత్యేకంగా చెప్పక్కర్లేదు. తన డిఫరెంట్ ఆటిట్యూడ్, స్టైల్‌తో తనకంటూ సపరేట్ ఫ్యాన్ బేస్‌ను క్రియేట్ చేసుకున్నారు విజయ్. ఇక సోషల్ మీడియాలో కూడా తనదైన స్టైల్లో క్రియేటివ్‌గా పోస్ట్‌లు పెడుతూ అందరినీ ఆకట్టుకుంటున్నారు రౌడీ హీరో. అందుకే ఇంతమంది విజయ్‌కు ఫిదా అయ్యారు. తను ఓ ఫోటో పెట్టినా, వీడియో పెట్టినా లైకులు, కామెంట్లతో అభిమానులు ప్రేమ కురిపిస్తారు. ఇన్‌స్టాగ్రామ్‌లో తన ఫాలోవర్ల సంఖ్య 10 మిలియన్ దాటడంపై విజయ్ దేవరకొండ సైతం సంతోషం వ్యక్తం చేశారు. ఇదిలా ఉంటే, ప్రస్తుతం పూరీ జగన్నాథ్‌తో పాన్ ఇండియా మూవీ చేస్తున్నారు విజయ్ దేవరకొండ. ఈ సినిమాకు ‘ఫైటర్’ అనే టైటిల్ ప్రచారంలో ఉంది. ప్రస్తుతం ఈ చిత్రం షూటింగ్ దశలో ఉంది. ఈ సినిమా తరవాత శివ నిర్వాణ, సుకుమార్ దర్శకత్వంలో వరుస సినిమాలు చేయనున్నారు విజయ్.

from Telugu Movie News | Movie News in Telugu | Movie Gossips in Telugu https://ift.tt/3rosXaN
v