కుటుంబ పెద్దగా మెగాస్టార్ తన ఫ్యామిలీ పట్ల ఎంత కేరింగ్ తీసుకుంటారో ప్రత్యేకంగా చెప్పాల్సిన అవసరం లేదు. తన వృత్తిని ఎంతలా గౌరవిస్తారో అంతకుమించి మెగా ఇంటి పనుల్లో చురుకుగా వ్యవహరిస్తుంటారు చిరంజీవి. తమ్ముళ్లు నాగబాబు, పవన్ కళ్యాణ్లతో చాలా క్లోజ్ రిలేషన్ మెయిన్టైన్ చేస్తూనే మెగా కాంపౌండ్ వారసులందరితో కలసిమెలసి ఉంటూ వారివారి కెరీర్ పట్ల తగు సూచనలిస్తుంటారు. ఇక నాగబాబు కూతురు అయితే చిరంజీవిని నాన్న అని పిలుస్తుందంటే వారి మధ్య బంధం ఎంత బలంగా ఉందో అర్థం చేసుకోవచ్చు. ఈ నేపథ్యంలోనే సందర్భంగా ఎమోషనల్ ట్వీట్ చేశారు చిరంజీవి. మెగా డాటర్ నిహారిక పెళ్లి గడియ దగ్గరపడింది. డిసెంబర్ 9 అనగా రేపు రాజస్థాన్ లోని ఉదయ్పూర్ ప్యాలస్లో నిహారిక పెళ్లి వేడుక అంగరంగ వైభవంగా జరగనుంది. ఇప్పటికే మెగా ఫ్యామిలీ అంతా అక్కడికి చేరుకొని ప్రీ వెడ్డింగ్ సెలెబ్రేషన్స్లో ఎంజాయ్ చేస్తున్నారు. ఈ తరుణంలో పెళ్లి కూతురు నిహారిక పెదనాన్న చిరంజీవి.. తన ట్విట్టర్లో చిన్నప్పటి నిహారికతో తాను దిగిన ఓ అరుదైన ఫొటోను షేర్ చేశారు. ఈ మేరకు ''మా చేతిలో పెరిగిన మా చిన్నారి నిహారికని, చైతన్య చేతిలో పెడుతున్న ఈ శుభతరుణంలో, ముందస్తుగా కాబోయే దంపతులకు నా శుభాకాంక్షలు.. ఆశీస్సులు. గాడ్ బ్లెస్ యు'' అంటూ ట్యాగ్ చేశారు. Also Read: మొన్న నిహారికను పెళ్లి కూతురిని చేసిన సమయంలోనూ ఇంటి పెద్దగా చిరంజీవి తన కూతురిని ఆశీర్వదించారు. తాజాగా ఆమెను ఎత్తుకొని దిగిన చిన్నప్పటి ఫొటోతో పాటు పెళ్లి కూతురుగా ముస్తాబైన నిహారికతో దిగిన పిక్స్ షేర్ చేస్తూ ఎమోషనల్ అయ్యారు. ప్రస్తుతం ఈ ఫొటోలు సోషల్ మీడియాలో వైరల్ అవుతున్నాయి. మెగా లోకమంతా నిహారిక మ్యారేజ్ విషెస్ పోస్ట్ చేస్తుండటంతో సామాజిక మాద్యమాలన్నీ నిహారిక పెళ్లి సంబరాలతో నిండిపోయాయి.
from Telugu Movie News | Movie News in Telugu | Movie Gossips in Telugu https://ift.tt/2JLnf1B
v
No comments:
Post a Comment