శ్రీకాంత్, సునీల్ ప్రధాన పాత్రల్లో శ్రీకార్తికేయ, అభిరామ్, ప్రవీణ్, హరీష్ గౌతమ్లను హీరోలుగా పరిచయం చేస్తూ వి.విజయలక్ష్మి, సుష్మా రెడ్డి ఫిలిమ్స్ సమర్పణలో శివ మహాతేజ ఫిలిమ్స్ పతాకంపై వి.సముద్ర దర్శకత్వంలో వి. సాయి అరుణ్ కుమార్ నిర్మిస్తున్న చిత్రం ‘జై సేన’. ఇప్పటికే ఈ చిత్రం నుండి విడుదలైన టీజర్, ట్రైలర్, పాటలకి మంచి రెస్పాన్స్ వచ్చింది. ఇప్పుడు ఈ చిత్రం నుండి ‘అనసూయ.. అనసూయ’ అంటూ సాగే లిరికల్ సాంగ్ను హీరో సుమంత్ విడుదల చేశారు. ఈ కార్యక్రమంలో దర్శకుడు సముద్ర, నిర్మాత వి. సాయి అరుణ్ కుమార్, నటులు శ్రీకార్తికేయ, అభిరామ్, ప్రవీణ్, హరీష్ గౌతమ్ పాల్గొన్నారు. ఈ సందర్భంగా హీరో సుమంత్ మాట్లాడుతూ.. ‘‘సముద్ర గారు నాకు మంచి మిత్రులు. ఆయన దర్శకత్వంలో నేను, శ్రీహరి, అనుష్క కలిసి ‘మహానంది’ సినిమా చేశాం. ఇండస్ట్రీలో నాకు ఇష్టమైన దర్శకుల్లో సముద్ర ఒకరు. ప్రతి ఒక్కరితో ఫ్రెండ్లీగా చాలా జోవియల్గా ఉంటారు. నా మనసులో ఆయనకి ఒక మంచి స్థానం ఉంటుంది. సముద్ర గారు దర్శకత్వం వహించిన ‘జై సేన’ చిత్రంలోని ‘అనసూయ.. అనసూయ’ పాట చూశాను. చాలా బాగుంది. ఈ సినిమా దర్శకుడిగా సముద్ర గారికి మరింత మంచి పేరు తెస్తుందని ఆశిస్తున్నాను. టీమ్ అందరికీ ఆల్ ది బెస్ట్’’ అని అన్నారు. చిత్ర దర్శకుడు సముద్ర మాట్లాడుతూ.. ‘‘సుమంత్ బాబుతో ‘మహానంది’ సినిమా చేశాను. ఆ సినిమా కమర్షియల్గా మంచి విజయం సాధించింది. బాబుది చాలా మంచి మనస్తత్వం. అందుకే నేను దర్శకత్వం వహించిన ‘జై సేన’ సినిమాలోని అనసూయ పాటను బాబుతో విడుదల చేయించాను. చైల్డ్ ఆర్టిస్టుగా ఎన్నో సినిమాల్లో యాక్ట్ చేసిన శ్రీకార్తికేయ ఈ పాటలో నటించాడు. సినిమా బ్రహ్మాండంగా వచ్చింది. హీరోలు కొత్తవారైనా చక్కగా నటించారు. వీరితో పాటు శ్రీకాంత్ అన్నయ్య, సునీల్, తారకరత్న, శ్రీరామ్, శ్రీ, పృథ్వి ఇలా చాలా మంది మంచి మంచి ఆర్టిస్టులు నటించారు. త్వరలో సినిమా విడుదలకాబోతుంది. మీ అందరి ఆశీస్సులు ఉండాలని మసస్ఫూర్తిగా కోరుకుంటున్నాను’’ అని అన్నారు. ‘‘అనసూయ అనసూయ అనసూయా... గుండెజారి గల్లంతయ్యి ప్రేమలో పడిపోయా.. అనసూయ అనసూయ అనసూయా.. నీ అందం చూస్తే ఆడోళ్లందరికి అసూయ’’ అంటూ హుశారుగా సాగే ఈ పాటను ధనుంజయ్ ఆలపించగా సిరాశ్రీ సాహిత్యం అందించారు. ఎస్. రవిశంకర్ మంచి బాణీలు సమకూర్చారు. Also Read:
from Telugu Movie News | Movie News in Telugu | Movie Gossips in Telugu https://ift.tt/3m93Ghb
v
No comments:
Post a Comment