స్టార్ హీరోల సినిమాల్లో ఇంట్రడక్షన్ సీన్లకు కొన్ని లెక్కలుంటాయి. ఫ్యాన్స్ను దృష్టిలో పెట్టుకుని హీరో ఇంట్రడక్షన్ సీన్ను డిజైన్ చేస్తారు దర్శకులు. సినిమా హైలైట్స్లో ఇంట్రడక్షన్ సీన్ కూడా ఒకటి కావాలని చూస్తారు. అలాంటి అదిరిపోయే హీరో ఇంట్రడక్షన్ సీన్స్ తెలుగు సినిమాల్లో చాలానే చూశాం. అయితే, వాటన్నింటినీ మించి ఉండేలా మెగాస్టార్ ఇంట్రడక్షన్ సీన్ను డిజైన్ చేస్తున్నారట సక్సెస్ఫుల్ డైరెక్టర్ కొరటాల శివ. కొరటాల శివ దర్శకత్వంలో మెగాస్టార్ చిరంజీవి హీరోగా రూపొందుతోన్న చిత్రం ‘ఆచార్య’. శ్రీమతి సురేఖ కొణిదెల సమర్పణలో కొణిదెల ప్రొడక్షన్ కంపెనీ, మ్యాట్నీ ఎంటర్టైన్మెంట్స్ బ్యానర్లపై నిరంజన్ రెడ్డి ఈ సినిమాను నిర్మిస్తున్నారు. లాక్డౌన్ అనంతరం ఇటీవల తిరిగి ప్రారంభమైన ‘ఆచార్య’ షూటింగ్ ప్రస్తుతం హైదరాబాద్లో విజయవంతంగా కొనసాగుతోంది. ఈ చిత్రంలో కాజల్ అగర్వాల్ హీరోయిన్గా నటిస్తున్నారు. అయితే, ఆమె ప్రస్తుతం ఈ షెడ్యూల్లో పాల్గొనడంలేదు. ‘ఆచార్య’ చిత్రాన్ని భారీ బడ్జెట్తో రూపొందిస్తు్న్నారు. సుమారు రూ.80 కోట్ల బడ్జెట్ను కేటాయించారట. ఇదిలా ఉంటే, ఈ సినిమాలో చిరంజీవి ఇంట్రడక్షన్ కోసం హైదరాబాద్లో అదిరిపోయే సెట్ వేశారట. ఈ సెట్లో చిరంజీవి ఇంట్రడక్షన్ సాంగ్ను షూట్ చేయబోనున్నారని టాక్. ఈ సెట్ కోసం ఏకంగా రూ.5 కోట్ల రూపాయలు వెచ్చించారని అంటున్నారు. మరి ఈ వదంతులో నిజమెంతో తెలీదు కానీ.. ఇంత భారీ సెట్లో చిరంజీవి ఇంట్రడక్షన్ సాంగ్ అని ఊహించుకుంటేనే వారెవ్వా అనిపిస్తోంది. ఇక ఫ్యాన్స్ ఫీలింగ్ ఎలా ఉంటుందో! Also Read:
from Telugu Movie News | Movie News in Telugu | Movie Gossips in Telugu https://ift.tt/3fXer4A
v
No comments:
Post a Comment