ఒక హీరో సినిమా చేద్దామని దర్శకుడు రాసుకున్న కథ మరో హీరో దగ్గరకు వెళ్లడం ఇండస్ట్రీలో సర్వసాధారణం. ఇప్పటి వరకు అలాంటి ఘటనలు ఎన్నో చూశాం. స్టార్ హీరోలు సైతం తిరస్కరించిన ఎన్నో కథలు మరో స్టార్ హీరో చేయడం, ఆ సినిమాలు సూపర్ హిట్ అవ్వడం చాలానే జరిగాయి. అయితే, ఈ జయాపజయాలను ఊహించడం కాస్త కష్టమే. ఒక కథ తనకు సెట్ కాదని ఓ స్టార్ హీరో వద్దంటారు. కానీ, ఆ కథే సూపర్ హిట్ అవుతుంది. సూపర్ హిట్ అవుతుందనుకున్న కథ అట్టర్ ఫ్లాప్ అవుతుంది. Also Read: ఈ స్టోరీ అంతా ఇప్పుడెందుకంటే.. విజయ పథంలో నడుస్తోన్న ఓ యువ దర్శకుడు రాసుకున్న కథ ఓ స్టార్ హీరో దగ్గర నుంచి మరో స్టార్ హీరో దగ్గరకు వెళ్తుందట. ‘ఛలో’, ‘భీష్మ’ సినిమాలతో వరుస విజయాలు అందుకుని సక్సెస్ఫుల్ యంగ్ డైరెక్టర్గా గుర్తింపు తెచ్చుకున్న వెంకీ కుడుముల తన మూడో సినిమా ప్రయత్నంలో ఉన్నారు. దీనిలో భాగంగా మెగా పవర్ స్టార్ రామ్ చరణ్కు ఒక కథ చెప్పారట. అయితే, ఈ కథ చరణ్కు నచ్చలేదట. హీరో పాత్ర చిత్రీకరణ నచ్చకపోవడంతో చరణ్ ఈ సినిమా చేయడానికి అంగీకరించలేదని అప్పట్లో వార్తలు వచ్చాయి. Also Read: అయితే, ఇదే కథను సూపర్ స్టార్ వద్దకు తీసుకెళ్లారట వెంకీ కుడుముల. ఆయనకు వెంకీ చెప్పిన కథ బాగా నచ్చిందని అంటున్నారు. సినిమా చేయడానికి మహేష్ బాబు ఆసక్తిగా ఉన్నారని టాక్. అన్నీ కుదిరితే త్వరలోనే ఈ చిత్ర ప్రకటన వెలువడుతుందని ఇండస్ట్రీ వర్గాల్లో గుసగుసలు వినిపిస్తున్నాయి. ప్రస్తుతం పరశురామ్ దర్శకత్వంలో ‘సర్కారు వారి పాట’ సినిమా చేస్తున్నారు మహేష్. ఈ సినిమా రెగ్యులర్ షూటింగ్ త్వరలోనే ప్రారంభం కానుంది. ఈ సినిమా తరవాత వెంకీ కుడుముల దర్శకత్వంలో మహేష్ సినిమా ఉండొచ్చని అంటున్నారు. మరి ఈ వార్తలో నిజమెంతో తెలియాలంటే అధికారిక ప్రకటన వచ్చేంత వరకు ఆగాల్సిందే.
from Telugu Movie News | Movie News in Telugu | Movie Gossips in Telugu https://ift.tt/2VBHVLR
v
No comments:
Post a Comment