Abijeet: అక్కినేని కోడలితో అభిజీత్ హంగామా.. సమంతతో ఎంజాయ్‌మెంట్ కోసం స్కెచ్ రెడీ! బయటకురాగానే..

చుట్టూ కెమెరాల మధ్యలో 100 రోజుల పాటు బిగ్ బాస్ హౌస్‌లో ఉండటమంటే మామూలు విషయం కాదండోయ్. ఆడియన్స్‌ని ఎంటర్‌టైన్ చేస్తూనే బిగ్ బాస్ ఇచ్చే టాస్కుల్లో ప్రత్యేకమైన పర్‌ఫార్‌మెన్స్ చూపిస్తే గానీ ఇది సాధ్యమయ్యే పనికాదు. పైగా ఈ 100 రోజుల పాటు కుటుంబానికి, స్నేహితులకు అందరికీ దూరంగా ఉండాలి. అయితే వీటన్నింటినీ ఫాలో చేస్తూ ఫైనల్ కంటిస్టెంట్లలో ఒకడిగా, టైటిల్ రేస్‌లో స్ట్రాంగ్ కంటిస్టెంట్‌గా ఉన్న .. హౌస్ నుంచి బయటకు రాగానే అక్కినేని కోడలితో హంగామా చేయబోతున్నారని తెలిసింది. అదేనండీ.. బిగ్ బాస్ షో ముగిశాక ఫైనల్ కంటిస్టెంట్స్, బిగ్ బాస్ విన్నర్, రన్నర్ అంతా చేసే హంగామా ఎలా ఉంటుందో ప్రత్యేకంగా చెప్పాలా!. బిగ్ బాస్ తెచ్చిపెట్టిన ఫేమ్‌తో ఏ యూట్యూబ్ ఛానల్, ఏ మీడియా ఛానల్ చూసినా వీళ్ళ ఇంటర్వ్యూలే కనిపిస్తుంటాయి. వాళ్ళకు వ్యూస్, వీళ్లకు మరింత పాపులారిటీ అన్నట్లుగా ఇరువురికీ ఇది ఉపయోగకరమే. అందుకే బిగ్ బాస్ ఫేమ్ అభిజీత్‌తో స్పెషల్ ప్రోగ్రామ్ ప్లాన్ చేసిందట 'ఆహా' ఓటీటీ వేదిక. ఈ ప్లాట్‌ఫామ్‌పై ప్రసారమయ్యే 'సామ్ జామ్' ప్రోగ్రామ్‌ కోసం అభిజీత్‌ని ప్రత్యేకంగా ఆహ్వానించారట. అక్కినేని కోడలు హోస్ట్ చేస్తున్న 'సామ్ జామ్' ప్రోగ్రామ్ ప్రేక్షకులను విశేషంగా ఆకట్టుకున్న సంగతి తెలిసిందే. ''నాతో ఎంజాయ్‌మెంట్ మామూలుగా ఉండదు'' అంటూ సెలబ్రిటీలను ఇంటర్వ్యూ చేస్తూ ప్రేక్షకులను అలరిస్తోంది సమంత. ఈ నేపథ్యంలోనే బిగ్ బాస్ ఫినిష్ కాగానే సమంతతో అభిజీత్ ఇంటర్వ్యూ కోసం అన్నీ సిద్ధం చేశారట. భారీగా ఫన్ క్రియేట్ చేస్తూనే ఆయనకు సంబంధించిన అన్ని వ్యక్తిగత అంశాలు ప్రేక్షకులకు తెలిసేలా ప్లాన్ రెడీ చేశారట. ఇదే జరిగితే సమంతతో ఎంజాయ్ చేసిన మొదటి బిగ్ బాస్ కంటిస్టెంట్ అభిజీతే అవుతాడు. సో చూడాలి మరి.. ఆ క్షణం ఎప్పుడొస్తుందనేది!. ‌

from Telugu Movie News | Movie News in Telugu | Movie Gossips in Telugu https://ift.tt/3p1hQ5u
v