తమిళ స్టార్ హీరో దళపతి విజయ్ ‘మాస్టర్’ సినిమాతో ఈ సంక్రాంతికి ప్రేక్షకుల ముందుకు రాబోతున్నారు. ఈ సినిమాకు సెన్సార్ బోర్డు యు/ఎ సర్టిఫికెట్ జారీ చేసింది. కరోనా మహమ్మారి కారణంగా సుమారు 9 నెలల పాటు థియేటర్లు మూతబడ్డాయి. ఇటీవలే థియేటర్ల పునఃప్రారంభానికి తమిళనాడు ప్రభుత్వం అనుమతినిచ్చింది. అయితే, కేంద్ర ప్రభుత్వ నిబంధనలను పాటిస్తూ 50 శాతం ఆక్యుపెన్సీకి మాత్రమే తమిళనాడు సర్కారు అనుమతినిచ్చింది. లాక్డౌన్ సమయంలో ఓటీటీ ద్వారా కొన్ని తమిళ చిత్రాలు ప్రేక్షకులను పలకరించాయి. కానీ, థియేటర్లు తిరిగి ప్రారంభమైన తరవాత విడుదలవుతోన్న తొలి భారీ చిత్రం ‘మాస్టర్’. ఈ సినిమా కోసం తమిళ ప్రేక్షకులు, విజయ్ అభిమానులు ఆసక్తిగా ఎదురుచూస్తున్నారు. అందుకే, ఈ సినిమా విడుదలయ్యే సమయానికి అంటే సంక్రాంతికి థియేటర్ల ఆక్యుపెన్సీని 100 శాతానికి పెంచాలని అడిగేందుకు హీరో విజయ్, ‘మాస్టర్’ టీమ్ సీఎం పళనిస్వామి దగ్గరకు వెళ్లారు. అయితే, ‘మాస్టర్’ టీమ్కు సీఎం ఎలాంటి హామీ ఇవ్వలేదని సమాచారం. ప్రజా ఆరోగ్య నిపుణులతో చర్చలు జరిపిన తరవాత ప్రభుత్వం తమ నిర్ణయాన్ని వెల్లడించనుంది. ఒక వేళ ప్రస్తుతం ఉన్న 50 శాతం ఆక్యుపెన్సీని పూర్తిగా ఎత్తివేయకపోయినా కనీసం ఆక్యెపెన్సీ కెపాసిటీని అయినా ప్రభుత్వం పెంచుతుందని థియేటర్ యాజమాన్యాలు ఆశాభావం వ్యక్తం చేస్తున్నాయి. కరోనా మహమ్మారి కారణంగా థియేటర్ యాజమాన్యాలు తీవ్రంగా నష్టపోయాయి. ప్రస్తుతం కొన్ని చిన్న సినిమాలు థియేటర్లలో ప్రదర్శితమవుతున్నప్పటికీ ప్రజల నుంచి ఆదరణ చాలా తక్కువగా ఉంది. ఈ క్రమంలో ‘మాస్టర్’ టీమ్ వేసిన ఈ అడుగును తమిళనాడు థియేటర్ ఓనర్స్ స్వాగతిస్తున్నారు. కాగా, ‘మాస్టర్’ సినిమా సంక్రాంతి కానుకగా జనవరి 13న విడుదలవుతోంది. ఈ సినిమాను తెలుగులో కూడా అనువాదం చేసి విడుదల చేస్తున్నారు. లోకేష్ కనకరాజ్ దర్శకత్వం వహించిన ‘మాస్టర్’ చిత్రంలో విజయ్కు విలన్గా విజయ్ సేతుపతి నటించారు. మాళవిక మోహనన్ హీరోయిన్. ఆండ్రియా, అర్జున్ దాస్, శాంతను భాగ్యరాజ్ ముఖ్య పాత్రలు పోషించారు. ఎక్స్బీ ఫిలిం క్రియేటర్స్ సంస్థ ఈ చిత్రాన్ని నిర్మించింది. అనిరుధ్ రవిచందర్ సంగీతం సమకూర్చారు. తెలుగులో ఈస్ట్ కోస్ట్ ప్రొడక్షన్స్ బ్యానర్పై మహేష్ కోనేరు ఈ చిత్రాన్ని విడుదల చేస్తున్నారు.
from Telugu Movie News | Movie News in Telugu | Movie Gossips in Telugu https://ift.tt/3mUN7G7
v
No comments:
Post a Comment