తెలుగు సినీ పరిశ్రమలో కొంతమంది హీరోయిన్లకు ప్రత్యేకమైన బ్రాండ్ ఉంటుంది. అలాంటి వారిలో ఒకరు. తమిళ సినీ పరిశ్రమలో టాప్ హీరోయిన్ స్థాయికి చేరుకున్న జీవితకు ఆ తర్వాత తెలుగులో అవకాశాలు పెరిగాయి. తెలుగులో చేసిన తొలి సినిమా తలంబ్రాలు. 1987లో వచ్చిన ఈ సినిమాలో రాజశేఖర్ విలన్గా నటించారు. ఆ తర్వాత రాజశేఖర్తోనే ఎక్కువ సినిమాలు చేసిన జీవిత 1991లో ఆయన్ని ప్రేమ వివాహం చేసుకుంది. ఆ తర్వాత సినిమాలకు దూరమై కుటుంబ బాధ్యతల్లో మునిగిపోయారు. మధ్యలో రాజశేఖర్తో శేషు, ఎవడైతే నాకేంటి, సత్యమేవ జయతే, మహంకాళి.. లాంటి సినిమాలకు దర్శకత్వం వహించారు. అసలు విషయానికొస్తే... జీవిత చెల్లెలు ఉమ కూడా హీరోయిన్ అన్న విషయం చాలామందికి తెలియదు. జీవిత తొలి తెలుగు సినిమా ‘తలంబ్రాలు’లో కీలక పాత్రలో నటించి మంచి గుర్తింపు తెచ్చుకున్నారు. తలంబ్రాలు సినిమా షూటింగ్ సమయంలో జీవితతో పాటు షూటింగ్ని చూడడానికి వచ్చేదట ఉమ. సెట్లో ఆమె చలాకీతనం గుర్తించి నిర్మాత శ్యామ్ ప్రసాద్రెడ్డి ఉమతో ఓ రోల్ చేయించాలని పట్టుబట్టారట. అయితే ఆమెకు నటన తెలియదని, డైలాగ్స్ కూడా చెప్పలేదని జీవిత చెప్పినా శ్యామ్ప్రసాద్ రెడ్డి వినిపించుకోకుండా ఆమె నటించాలని పట్టుబట్టారట. Also Read: జీవిత చెప్పినట్లుగానే ఉమ షూటింగులో యూనిట్కు చుక్కలు చూపించేదట. ఆమె కారణంగా షూటింగ్ షెడ్యూల్స్ కూడా క్యాన్సిల్ చేసుకోవాల్సి వచ్చిందట. దీంతో షూటింగ్ ఆపేసి రెండు రోజుల పాటు ఉమకు యాక్టింగ్లో ట్రైనింగ్ ఇప్పించి ఆ తర్వాత షూటింగ్ చేశారట. ఉమకి కెమెరా పొజిషన్ ఇవ్వడం రాకపోవడంతో వైడ్ యాంగిల్లో పెట్టి ఆమెకు సంబంధించిన షాట్స్ని తీశారట. సినిమా విడుదలయ్యాక జీవిత కంటే ఉమకే ఎక్కువ పేరొచ్చింది. ఆమెకు ఎక్కడికెళ్లినా మీ చెల్లి మీకంటే అందంగా ఉంది.. అద్భుతంగా నటించిందంటూ అనేవారట. ఈ క్రేజ్తో ఉమకు హీరోయిన్గా అనేక అవకాశాలు వచ్చాయి. అయితే కొన్ని సినిమాలు సరిగ్గా ఆడకపోవడం, మరికొన్ని సినిమాలు షూటింగ్ మధ్యలోనే ఆగిపోవడంతోనే తనకు సినిమాలు సరిపడవని ఉమ అనుకున్నారట. దీంతో సినీ ఇండస్ట్రీకి స్వస్తి పలికిన ఉమ ఓ పారిశ్రామికవేత్తను పెళ్లి చేసుకుని లైఫ్లో సెటిలయ్యారు.
from Telugu Movie News | Movie News in Telugu | Movie Gossips in Telugu https://ift.tt/36GMA4u
v
No comments:
Post a Comment