ఎన్టీఆర్ మనసులో ఏముందో నాకు తెలీదు.. అది అనవసర వివాదం: బావమరిది శ్రీ భరత్

తెలుగుదేశం పార్టీకి పూర్వ వైభవం రావాలంటే జూనియర్ పగ్గాలు చేపట్టాలని చాలా మంది అభిప్రాయం. పార్టీలోనే ఓ వర్గం జూనియర్ ఎన్టీఆర్ రావాలని కోరుకుంటోంది. అయితే, పార్టీకి పూర్వ వైభవం తీసుకొచ్చే సత్తా జూనియర్ ఎన్టీఆర్‌కే ఉంది అనే వాదనపై ఆయన బావమరిది, నటసింహా నందమూరి బాలకృష్ణ చిన్నల్లుడు శ్రీ భరత్ సంచలన వ్యాఖ్యలు చేశారు. జూనియర్ ఎన్టీఆర్ అవసరం తెలుగుదేశం పార్టీకి లేదని అన్నారు. జూనియర్ ఎన్టీఆర్ వస్తేనే పార్టీ బాగుంటుంది అని అయితే తాను అనుకోనని కుండ బద్దలు కొట్టారు. అప్పట్లో శ్రీ భరత్ చేసిన ఈ వ్యాఖ్యలు తీవ్ర దుమారం రేపాయి. సోషల్ మీడియాలో శ్రీ భరత్‌ను ఏకిపారేశారు. ఈ వివాదం నుంచి తేరుకోవడానికి శ్రీ భరత్‌కు చాలా సమయం పట్టింది. అయితే, ఆ వ్యాఖ్యలపై మళ్లీ ఏడాది తరవాత తాజాగా ఓ ఇంటర్వ్యూలో శ్రీ భరత్ స్పందించారు. ప్రస్తుతం తెలుగుదేశం పార్టీ విశాఖపట్నం పార్లమెంట్ నియోజకవర్గ ఇన్‌ఛార్జ్‌గా ఉన్న శ్రీ భరత్ ఈ ఇంటర్వ్యూలో పలు విషయాలపై మాట్లాడారు. ‘గతంలో జూనియర్ ఎన్టీఆర్‌పై చేసిన వివాదాస్పద వ్యాఖ్యలకు కట్టుబడి ఉంటారా?’ అన్న ప్రశ్నకు భరత్ స్పందిస్తూ.. ‘‘అది అనవసరంగా పెద్ద వివాదం అయిపోయింది’’ అని బదులిచ్చారు. ‘‘వ్యక్తిగతంగా మా ఇద్దరి మధ్య ఎలాంటి విబేధాలు లేవు. మేం కలిసిన ప్రతిసారి చాలా బాగా ఉంటాం. ఇద్దరం పరస్పరం చాలా మర్యాదగా ఉంటాం. ఆ రోజు కూడా నా మాటల ఉద్దేశం ఏంటంటే.. పార్టీ ఏ ఒక్కరి వల్లో ఏర్పడదు. ఎన్నో లక్షల మంది నాయకులు వాళ్ల ఆస్తులు, ప్రాణాలు త్యాగం చేసి పార్టీ కోసం పనిచేస్తారు. వాళ్ల త్యాగాన్ని మనం మరిచిపోకూడదు. ఆయన వచ్చి పనిచేస్తానంటే మేమెందుకు కాదంటాం. ఎన్ని చేతులు కలిసి ఎంత బలం ఏర్పడితే అంత మంచిది’’ అని శ్రీ భరత్ చెప్పుకొచ్చారు. అయితే జూనియర్ ఎన్టీఆర్‌తో మరీ ఎక్కువ చనువు లేదని.. ఆయన్ని కలవడం కూడా చాలా అరుదు అని శ్రీ భరత్ అన్నారు. జూనియర్ ఎన్టీఆర్‌తో తన రిలేషన్‌షిప్ ప్రస్తుతం బాగానే ఉందన్నారు. కానీ, గత వివాదాస్పద వ్యాఖ్యల తరవాత మళ్లీ ఇప్పటి వరకు ఎన్టీఆర్‌ను తాను కలవలేదన్నారు. ‘‘ఆయన మనసులో ఏమనుకుంటున్నారో నాకు తెలీదు. నా మనసులో అయితే ఏమీ లేదు. నా చుట్టూ 10 మంది ఉంటారు.. ఆయన చుట్టూ 10 మంది ఉంటారు. వాళ్లు ఏం చెబుతున్నారో, ఆయన ఏమనుకుంటున్నారో నాకు తెలీదు కదా. మేం రోజూ మాట్లాడేటంత క్లోజ్ కాదు. నా మనసులో అయితే ఏమీ నెగిటివిటీ లేదు’’ అని శ్రీ భరత్ స్పష్టం చేశారు. Also Read:

from Telugu Movie News | Movie News in Telugu | Movie Gossips in Telugu https://ift.tt/2TLgApP
v