‘బిచ్చగాడు’ చిత్రంతో తెలుగులో అభిమానులను సంపాదించుకున్న తమిళ నటుడు విజయ్ ఆంటొని. తెలుగులో పలు చిత్రాలకు సంగీత దర్శకత్వం వహించిన విజయ్ ఆంటొనికి హీరోగానే మంచి గుర్తింపు దక్కింది. ‘బిచ్చగాడు’ తరవాత ప్రతి తమిళ సినిమా తెలుగులో అనువాదమైంది. ‘యమన్’, ‘భేతాళుడు’, ‘ఇంద్రసేన’, ‘రోషగాడు’, ‘కాశి’, ‘కిల్లర్’ వంటి సినిమాలతో విజయ్ ఆంటొని తెలుగు ప్రేక్షకులను అలరించారు. ఇప్పుడు మరో ఆసక్తికర సినిమాతో వస్తున్నారు విజయ్. ఈ సినిమాకు చిరంజీవి సూపర్ హిట్ మూవీ టైటిల్ను వాడుకున్నారు. తమిళంలో ‘అగ్ని శిరగుగళ్’ టైటిల్తో తెరకెక్కుతోన్న సినిమాను తెలుగులో ‘జ్వాల’ పేరుతో తీసుకొస్తున్నారు. ఈ చిత్రంలో విజయ్ సరసన అక్షర హాసన్ నటిస్తుండగా.. ‘సాహో’ ఫేమ్ అరుణ్ విజయ్ కీలకపాత్ర పోషిస్తున్నారు. ద్విభాషా చిత్రంగా రూపొందుతున్న ఈ చిత్రానికి నవీన్.యమ్ దర్శకత్వం వహిస్తున్నారు. తెలుగులో శర్వంత్ రామ్ క్రియేషన్స్ పతాకంపై జవ్వాజి రామాంజనేయులు, షిరిడిసాయి క్రియేషన్స్ పతాకంపై యమ్.రాజశేఖర్ రెడ్డి నిర్మిస్తున్నారు. ఉజ్బెకిస్తాన్, కజికిస్తాన్ దేశాలతో పాటు యూరప్లోని పలు దేశాల్లో చిత్రీకరణ జరుపుకున్న భారీ బడ్జెట్ చిత్రమిది అని అన్నారు నిర్మాతల్లో ఒకరైన యమ్.రాజశేఖర్ రెడ్డి. ఈ చిత్రం ఆఖరి షెడ్యూల్ కోల్కతాలో జరిగింది. ఈ షెడ్యూల్తో సినిమా చిత్రీకరణ పూర్తయింది. విజయ్ ఆంటొని కెరీర్లోనే భారీ బడ్జెట్తో రూపొందుతోన్న చిత్రమిది. దాదాపు రూ. 25 కోట్ల బడ్జెట్ కేటాయించారు. రీమాసేన్ ముఖ్యపాత్రలో నటిస్తున్న ఈ చిత్రానికి నటరాజన్ సంగీతం సమకూరుస్తున్నారు. Also Read:
from Telugu Movie News | Movie News in Telugu | Movie Gossips in Telugu https://ift.tt/339DkVy
v
No comments:
Post a Comment