యువ సంగీత దర్శకుడు హఠాన్మరణం

తమిళ సినీ పరిశ్రమలో ఇప్పుడుప్పుడే ఎదుగుతోన్న యువ సంగీత దర్శకుడు నవీన్ శంకర్ హఠాన్మరణం చెందారు. ‘విసిరి’ అనే తమిళ సినిమాకు ఆయన సంగీత దర్శకుడిగా పనిచేశారు. అనారోగ్యంతో ఇటీవల హాస్పిటల్‌లో చేరిన నవీన్.. అక్కడ చికిత్స పొందుతూ అక్టోబర్ 31వ తేదీ రాత్రి తుదిశ్వాస విడిచారు. నవీన్ మరణాన్ని ఆయన కుటుంబ సభ్యులు, సన్నిహితులతో పాటు ఇండస్ట్రీలో కొంత మంది ఇప్పటికీ నమ్మలేకపోతున్నారు. నవీన్ శంకర్ మృతికి సంతాపం వ్యక్తం చేస్తూ ప్రముఖ నేపథ్య గాయని సౌందర్య బాలనందకుమార్ ఫేస్‌బుక్‌లో పోస్ట్ పెట్టారు. శరవణన్ నవీన్ శంకర్ ఆత్మకు శాంతి చేకూరాలని ఆమె కోరుకున్నారు. ఆయన ఇక లేరనే వార్తను ఇప్పటికీ నమ్మలేకపోతున్నానని వెల్లడించారు. నవీన్ చాలా మంచి వ్యక్తని, ఆయనతో కలిసి పనిచేయడాన్ని ఆస్వాదించానని అన్నారు. ఆయన తనను ఎంతగానో ప్రోత్సహించారని పేర్కొన్నారు. కొంత మంది అనుకుంటున్నట్టుగా నవీన్ కొవిడ్‌తో చనిపోలేదని స్పష్టం చేశారు. ఇదిలా ఉంటే, నవీన్ శంకర్‌కు కరోనా వైరస్ పరీక్ష నిర్వహించారు. ఆయనకు కొవిడ్-19 నెగిటివ్ అని తేలింది. మెదడులో రక్తం గడ్డకట్టడం వల్ల నవీన్ మృతిచెందినట్టు సమాచారం. కాగా, 2018లో వచ్చిన ‘విసిరి’ చిత్రానికి సంగీతం సమకూర్చిన నవీన్‌.. పలు సినిమాలకు బ్యాక్‌గ్రౌండ్‌ స్కోర్ అందించారు. శ్రీకాంత్, చంద్రిక రవి నటించిన థ్రిల్లర్ ‘ఉన్ కాదల్‌ ఇరుందల్‌’కి నవీన్ నేపథ్య సంగీతం అందించారు. ఈ సినిమా విడుదలకు సిద్ధంగా ఉంది. మరోవైపు, రంజిత్ ఖన్నా దర్శకత్వంలో రానున్న ‘ఛోళనట్టన్’ సినిమాకు నవీన్ సంగీతం సమకూర్చాల్సి ఉంది. కానీ, ఇంతలోనే ఆయన తిరిగిరాని లోకాలకు వెళ్లిపోవడం బాధాకరం. Also Read:

from Telugu Movie News | Movie News in Telugu | Movie Gossips in Telugu https://ift.tt/34MXPbC
v