14 ఏళ్ల వయసులోనే లైంగిక దాడి.. ఏమీ అర్థంకాని ఆ సమయంలో! షాకింగ్ విషయాలు చెప్పిన స్టార్ హీరో కూతురు

దేశంలో మానవ మృగాలు వీరవిహారం చేస్తున్నాయని, చుట్టూ ఉండే మనుషులే ఎవ్వరూ ఊహించని దారుణాలను పాల్పడుతున్నారని ఇప్పటికే ఎన్నో సంఘటనల ద్వారా రుజువైంది. ఎన్ని కఠిన చర్యలు తీసుకున్నా మహిళలపై అత్యాచారాలు, లైంగిక వేధింపులకు ఫుల్‌స్టాప్ పడకపోతుండటం దేశాన్ని కలవరపెడుతోంది. తాజాగా స్టార్ హీరో కుమార్తె ఓపెన్ అవుతూ తనపై జరిగిన లైంగిక దాడిని బయటపెడుతూ ఆవేదన చెందింది. తన మానసిక ఒత్తిడికి సంబంధించిన విషయాలు చెబుతూ ఓ వీడియో పోస్ట్ చేసింది. తాను 14 ఏళ్ల వయసులో ఉన్నప్పుడు లైంగిక వేధింపులకు గురయ్యానని, అయితే ఆ సమయంలో ఆ వ్యక్తి ఏం చేస్తున్నాడో కూడా తనకు తెలిసేది కాదంటూ నిజాలు బయటపెట్టింది ఐరా ఖాన్. తనకు తెలిసిన వాళ్ళే ఇలా లైంగిక దాడి చేశారని ఆమె చెప్పుకొచ్చింది. చిన్న వయసు కావడంతో అర్థం చేసుకోలేకపోయానని, ఏడాది తర్వాత ఆ విషయం తెలుసుకొని తనను లైంగికంగా వేధిస్తున్నారంటూ తల్లిదండ్రులకు చెప్పడంతో సమస్య నుంచి బయటపడ్డానని ఆమె తెలిపింది. Also Read: తన తల్లిదండ్రులు ఆమిర్‌ఖాన్- రీనా దత్తాలు విడాకులు తీసుకునేటప్పుడు చాలా చిన్నదాన్ని అని చెప్పిన ఐరా ఖాన్.. ఆ విషయం కూడా తనను పెద్దగా బాధపెట్టలేదని పేర్కొంది. ఎందుకంటే తన కోసం వారెప్పుడూ అండగా నిలుస్తూ వచ్చారని, వారు విడిపోయినా స్నేహితుల్లా కలిసిమెలసి ఉన్నారని, తమది బ్రోకెన్ ఫ్యామిలీ కాదని పేర్కొంది. ఆరేళ్ల వయసులో క్షయ వచ్చినప్పుడు కూడా బాధపడలేదు కానీ.. 14 ఏళ్ల వయసులో జరిగిన ఆ లైంగిక వేధింపుల తాలూకు విషయాలు మరచిపోవడానికి ఏడాది సమయం పట్టిందని తెలిపింది. తల్లిదండ్రులు తీసుకున్న చర్యలతోనే ఆ దుర్ఘటన గురించి పూర్తిగా మరచిపోయానని, పిల్లలకు తల్లిదండ్రుల సంరక్షణ ఎంత అవసరమనేది అప్పుడు అర్థం చేసుకున్నానని ఐరా ఖాన్ పేర్కొంది. ఆ మానసిక క్షోభ నుంచి బయటపడి ప్రస్తుతం సంతోషంగా ఉన్నానని ఆమె చెప్పింది.

from Telugu Movie News | Movie News in Telugu | Movie Gossips in Telugu https://ift.tt/2TNusQf
v