దర్శకధీరుడు ఎస్.ఎస్.రాజమౌళి సినిమాను ప్రకటించారంటే చాలు దాని కోసం ప్రేక్షకులు వేయి కళ్లతో ఎదురుచూస్తుంటారు. సినిమా ఎప్పుడెప్పుడు వస్తుందా ఎప్పుడెప్పుడు చూసేద్దామా అని ఎంతో ఆసక్తితో ఉంటారు. కానీ, రాజమౌళి సినిమాలు మాత్రం ఆలస్యమవుతూనే ఉంటాయి. పర్ఫెక్షన్ కోసం రాజమౌళి ఎక్కువ సమయం తీసుకుంటే.. ఇతర కారణాలు తోడై మరింత ఆలస్యమవుతూ ఉంటుంది. RRR సినిమా విషయంలో ఇదే జరిగింది. మెగా పవర్ స్టార్ రామ్ చరణ్, యంగ్ టైగర్ ఎన్టీఆర్తో రాజమౌళి భారీ మల్టీస్టారర్ తెరకెక్కిస్తున్నట్టు ప్రకటించగానే ఇండియాలోనే క్రేజీ ప్రాజెక్టుల్లో RRR ఒకటైపోయింది. ఈ సినిమా ద్వారా రాజమౌళి తెలుగు ప్రేక్షకులను మరోసారి బ్రిటిష్ ఇండియా కాలంలోకి తీసుకెళ్తున్నారు. మన్యం ప్రజల కోసం పోరాడిన అల్లూరి సీతారామరాజు, కొమరం భీమ్ పాత్రల ఆధారంగా ఈ సినిమాను భారీ ఎత్తున నిర్మిస్తు్న్నారు. ఇప్పటికే అల్లూరి సీతారామరాజుగా అదిరిపోయే ఎంట్రీ ఇచ్చారు. Also Read: ఇక కొమరం భీమ్గా ఎన్టీఆర్ను చూడటానికి ఆయన అభిమానులు ఎంతో ఆసక్తిగా ఎదురుచూస్తున్నారు. నిజానికి సహనం కోల్పోతున్నారు. కానీ, లాక్డౌన్ కారణంగా సుమారు 7 నెలలు పాటు RRR టీం ఇంటికే పరిమితం కావడంతో ఫస్ట్ లుక్ టీజర్ వీలుపడలేదు. మొత్తానికి ఆ సమయం ఆసన్నమవుతోంది. ఎందుకంటే, RRR షూటింగ్ తిరిగి ప్రారంభమైంది. సోమవారం నుంచి హైదరాబాద్లో RRR షూటింగ్ తిరిగి ప్రారంభమైనట్టు విశ్వసనీయ వర్గాల సమాచారం. సోషల్ మీడియాలోనూ ఇదే ప్రచారం జరుగుతోంది. RRR షూటింగ్ మొదలైన విషయం బయటికి రావడంతో అభిమానులు సోషల్ మీడియా ద్వారా ఆనందం వ్యక్తం చేస్తున్నారు. కాగా, కొవిడ్-19 నిబంధనలను అనుసరిస్తూ షూటింగ్ను మొదలుపెట్టినట్టు సమాచారం. త్వరలోనే రామ్ చరణ్, ఎన్టీఆర్ కూడా షూటింగ్లో పాల్గొంటారని అంటున్నారు. ఈ షూటింగ్ను రెండు నెలలపాటు నిర్విరామంగా జరిపి పూర్తిచేస్తారట. ఆ తరవాత పోస్ట్ ప్రొడక్షన్ పనులను శరవేగంగా జరిపి అనుకున్న సమయానికే సినిమాను విడుదల చేయాలని చూస్తున్నారని సమాచారం.
from Telugu Movie News | Movie News in Telugu | Movie Gossips in Telugu https://ift.tt/3jzA5wz
v
No comments:
Post a Comment